شخص يطلب المساعده من أعضاء غرابيل فهل من مجيب ؟؟؟؟؟؟؟

السلام عليكم ورحمة الله وبركاته

اخواني وخواتي اعضاء منتدي غرابيل

صراحه ماادري كيف أبدا

<<<< توهقت

المهم انا بدخل مباشره في الموضوع

في شخص عنده مشكله ومحتاج لمساعدتكم ورايكم الحكيم

انا بقول لكم السالفه وان شاء الله تعينونه

<<<< وماتفشلوني

الله يسلمكم هذا شاب بمقتبل العمر طالب يدرس بمنتهي الاحترام والاخلاق العاليه

المشكله انه عنده بنت جيران تحاول تتقرب منه بطريقه مو حلو مره

مع العلم انه أبوها شيخ مسجد واخونا يعرف ابوها ويصلي معه بنفس المسجد

يقول الاخ ع.ش:

البنت صارت تعرف مواعيد دخولي البيت وخروجي وصارت تترصد لي عند الباب

وتسوي حركات ماهي حلوه مره

هي طالبه بالجامعه يعني ماهي بزر

ولو اعطيها وجهه اشويه واقرب منها والله لا ترقمني :o

يا جماعه الرجال لين الحين متحمل وحافظ حق الجيره

مايبي يتبع الطريق الغلط

بس مثل ما انتو عارفين الشيطان موجود ويوسوس لبني آدم

يقول :

تعبت من التفكير

مرات ابي اذاكر مااقدر اجلس افكر فيها والشيطان يجيب الافكار ويوديها

ويقول بعد:

فكرت بالزواج مره علشان لا اطيح في الغلط

بس انا طالب وماعندي القدره اني اتحمل مصاريف الزواج حاليا


شنو رايكم يا جماعه

المساله جديه ومافيها أي نوع من المزح

الرجال محتاج لمساعدتكم

فيريت اللي عنده حل مايبخل علينا

منتظره ردودكم

سلامي لكم

شكلي داخله غلط على بالي مشرفة إجتماعية :o


موضوع محرج أول مره أسمع ببنت تتحرش في شاب بس ماله إلا حل واحد يبعث برساله لأمها يتكلم فيها بكل صراحة عن أفعال بنتها بدون مايوضح شخصيته ....

لأن الأم حنونه وممكن تراقب بنتها وتحذرها وتهددها وتتصرف معها لكن أي شخص ثاني ممكن يضر البنت وياخذ ذنبها ...

وبيني وبينك حتى لو هي طالبة جامعة برضوا تحتاج للنصح والتوجيه وللأسف تظل مراهقة لأن بعض الناس المراهقة تستمر معهم لسن 22 سنه وتصرفها هذا أكبر دليل على أنها مراهقة وماعندها عقل...

ونصيحة لايخاطب لسانه لسانها ولا يوجه لها أي حديث خير كان أم شر ...

وأعانه الله على بلواه...

برايي انه يكلم وحده من اخواته ..

ويشرح لها الموقف بالتفصيل ويفهمها انها هي الي تتحرش فيه ..

ويقول لاخته انها لا تجيب سالفه لاحد بس تكلم البنت تبطل هالحركات ..

وتهددها انه اذا تجاوزت هالشي راح تكلم امها بالموضوع ..


تحياتي


الله يعطيك العافيه مج مج

نصيحة !!

خليه ينصحها بإنها تبتعد عنه .. ولا يعلم أبوها

يمسكها مع إيدها اللي توجعها !!





تحياتي

انا اقول يكلم وحدة من خواته و يخليها تكلمها

يمكن يصير عندهاحيا و تبعد

و ان زاد الموضوع يكلم امها و ان ما فاد ابوها

سيدتي مجروحة الزمن

هناك حل واحد فقط في نظري

دون التحدث الى احد وجرح مشاعر الاخرين وخلق مشكله كبيره

الا وهو الابتعاد من مجاورتها او الانتقال الى حي اخر

مع احترامي الشديد لكل من ادلى برايه

احترامي للجميع

نظرة امل

عبدالمحسن

خالد

حساسه

الحكيم

اشكركم اخواني علي مشاركتكم ورايكم

ويعطيكم الف عافيه ماقصرتو

سلامووووووووووووووووووووو

:بفكر: :بفكر: :بفكر: خطيره والله هالبنت

الله يستر علينا وعليها

برايي ان يكلمها ويقول لها ان تبتعد عنه واذا اصرت يفشلها ويقول ما اخذ وحده استغفر الله مو زينه بحركاتها او يقوللها وياخذها على عقلها اذا بطلتي حركاتج وصرتي بنت خلوقه راح اتزوجج اذا خلصت الدراسه وبعدها يحلها الف حلال
واذا ما اعقلت يمسك العقال وبظهرها:confused: <<<<<<<< لا امزح

يهددها انه يفضحكها ويشوه سمعتها وياخذ الي يبيه منها ومحد يدري يعني يصير لها كابوس بحياتها<<<<<<< الاخ لايصدق ويسويها هذا مجرررررد تخوييف

واذا مانفع معاها يكلم واحد من اهلها

والله يستر علينا وعليه وعليها

الف شكر اختي مجروحه على الموضوع
وجزاج الله كل خير
تحياتي

قواتي افكارج تودي بستين داهيه:o

اخطر شي انه يكلمها

احنا نبي نبعد هالاحتمال نهائيا علشان ماينحرف الرجال

علي العموم مشكوره علي مشاركتك بالراي

سلاموووووووووووووووو

بكل بساطه ؟
عليه أولا ، وأخيرا ، أن يعلم هذا الشاب ، بأنه رجل، ولا أحد يقدر على غصبه أو جبره على شىء لا يرضاه ، ولا يرضي رب العباد ـ

وثانيا ـ ؟

فعليه أن يردعها بكم كلمة قاسية ـ ويكون حكيما معها ، ويذكرها بوالدها ـ وإخوتها ، وسمعتها ـ

وأهم شىء ـ ــ عليه أن يذكرها بربها ، وبما أعد الله لها ولغيرها من عقاب ـ ـ ـ جراء استهتارها بنفسها

وأخيرا ـ
عليه أن يدعوا الله بأن يبعد عنه وسوسة الشيطان ـ
وكلما فكر بها مجرد تفكير ، فليذهب وليتوضىء ويصلي ركعتين لله ـ والله حينها كفيله من كل شر



تحياتي لك جي جي

سووود العيون ـ ـ ــ

مشكوره سود العيون علي مشاركتج ونصحك

يعطيك الف عافيه :eek: