[align=center]السالفه واضحه ولايبيلها شرح لكن للمعلوميه
بيتين بدع والورد عليها في البيتين التي تليها مباشره .[/align]
[align=center]*سلام ياقاضـي علـوم المحبيـن
*الي ليا من ضقت جيت اشتي لـك
*كل الحبايب عن علومـي مقفيـن
*شوف السبب تكف تراني عليلـك
اسمـع ياعبـدالله ابنشـدك ثنتيـن
وابشر واقلك وش جرى وش يجيلك
وش حيلتك هـذا زمـان الملائيـن
وش حيلتك والجيـب يالله يشيلـك
*ماحيلتي غيـر الوفـى للمحبيـن
*امـا زمـان العـز فالله وكيلـك
*قوتي يكفي يوم وان زاد يوميـن
*واما على جيبـي يـردد حليلـك
طيب تعـال انشـدك مابيننـا بيـن
تذكر اني قلـت لـك فـات جيلـك
انا اذكر اني قلت لك قبـل عاميـن
احذر علوم الحب واحـذر خليلـك
*تاهت بي اقداري وطيب وبعديـن
*جيت اشتكي همي وياطول ليلـك
*ياخي اعتبرني مثل بعض المجانين
*والا حرام انـي معـاد انتخيلـك
طيب خلاص اشفيك طلعـت نابيـن
ياسيـدي هـدي وخفـف هبيلـك
ياخي تأكد وافهـم السالفـه زيـن
لو مـا عنيـت وجيتنـي باعنيلـك
*الحب قاسي لو يبيـن لـي اليـن
*والجرح ينزف من قبل لرتجيلـك
*والناس صارو مثل سم الثعابيـن
*اانـا دخيـل الله وبعـده دخيلـك
ياخي تـرا خليتنـي بيـن ناريـن
والجرح وان كانه نزف وش يبيلك
والناس يالغالي ملـوك وسلاطيـن
وابشر بعزك بس تهـدي صهيلـك
*ابغاك تمحي كل دمعه من العيـن
*ويمسح بقايـا ذكرياتـي مزيلـك
*وتخلي افراحـي بكـل العناويـن
*حتى ولو كان الفرح من حصيلـك
الحب حلو من اوله واخـره شيـن
اخاف اضيق وتنعكس واشتكي لـك
والله يستـر مـن دروب المحبيـن
قفل على الموضوع تكفـى دخيلـك [/align]
[align=center]وسلامتكم جميع [/align]
[align=center]شعر ..عبدالعزيز البحيري [/align]
