المشاركة الأصلية كتبت بواسطة خالد0الروقي
السلام عليكم ورحمة الله وبركاته
واعود إليكم بعد طول غياب وارجو منكم المعذره على الغيبه
والان اطرح بين ايديكم هاذه الابيات وامل ان تنال قليل من اعجابكم
[poem=font="simplified Arabic,6,white,bold,normal" Bkcolor="transparent" Bkimage="backgrounds/22.gif" Border="groove,6,white" Type=2 Line=0 Align=center Use=sp Num="0,black"]
يابنت نفسي ماتمد الهزيله=لو مدو الريجيل بعض الهزايل
أشفق على الصعبات وارقا الطويله=ولاهمني لو كان حظي امتمايل
أشيل حملى ماتهم الثقيله=يومن ولد اللاش ماهوب شايل
وتكثر على غيرى وعندى قليله=ولاهمني لو كان تدبل دبايل
ولاني مخلي الروح تصبح ذليله=مادام باقي حي والعمر زايل
ولاني مصاحب غير راع الجزيله=اللى عليه العلم والراس طايل
اللى على درب المراجل دليله=وليا تكلم جاب زين المثايل
من خيرة الريجيل وسط القبيله=امعرب الجدين ولد الحمايل
وأعز نفسي عن دروب الرذيله=وليا حكيت يِكون عندي دلايل
ولاني من اللى كل علمن يشيله=يجيبها هزله وينسى الجزايل
وليا تكلم لين علمه فشيله=الله يسود وجه راع الفشايل
ويابنت نفسي ماتمد الهزيله=لو مدو الريجيل بعض الهزايل [/poem]
