قصة (( نصب في نصب ))

[align=center]المهم قبل لا نبدا بعض المعلومات عن القصه ..
الزمن : القايله
المكان : : ضهرت بنبان
عكروش : . عربجي مايفك الزقاره ابد وراعي غنم ومحرج بسوق النضيم للغنم
غطروس : عاطل مادرس ابد بس انه راعي بعارين وخصوصا التيوس يقدرها
وعنده تريله يكد عليها
مريبض : . عنده محل خضره وماتزوج ابد
رغم انه مطلق ثلاث
زليل : . عند ه افكار بس دايم تجي الطعه على راسه .
وهو شاب توه مكمل الخمسطعش وحلمه ان يطلع بطاقه احوال . ==> خشته حلوه مره خايف عليها

التاليف : العازف بن مقلع
الاخراج : دركوش برودكشن
المده : من يوم اذن الضهر الا يوم قلطوا الغدا
الراعي الرسمي : فشفاش تسالي
الحقوق محفوظه .. للعازف
تاريخ الكتابه .: 3/8/1423

يالله نبدى السواليف والنصب .
انا الأن جالس في مجلس (الكذوب) أحد أعضاء الشله النصابين .......
وطبعاً فاتحين الدرايش والبيبان !!.....عارفين ليش.....والله من زود الأرانب هههه
ماعلينا المهم...
كنا نسوولف عن ....صيد الضبان.
بداء النصاب الكبير .عكروش
وقال: وش عرفكم بالصيد!!.. صدق والله ماعندكم سالفة ....
أنا عكرووش.... عام الاول يوم ابوي يحوبي انا كنت غليّم أرعى الغنم
رحت أقنص بالصمان ..... ذيك الأيام كانت
الضبان مهي مثل ضبان هاليومين
مالكم علي يمين ياجماعة الخير ... إنه من كثر الضبان ماألقى موطا
لرجلي ...صرت أمشي وأشيل وأتنقى من الضبان الكبار
وأنا أدور شفت لك ذاك الضب ..المصيبة ..الي كانه ..تمساح !!

وانا اتختله وامسكه مع طرف عكرته ...
ومادريت الا يوم التفت لي والا في يده زقاره..وقالي بصوت (ضخم)...اقول :فكني.. فكني
أحسن لك .. وفك أخوي ناصر معك في الصندوق.....(حوض الددسن)
من الخوف..قلت: أبشرطال عمرك..وانا اتمالك نفسي
واروح لصندوق الددسن ..فتحة خيشة الضبان..وقلت من فيكم ناصر
قال سحلي صغير (بصوت بزر) أنا أنا أنا ....قلت رووح أخوك يبغاك

غيرنا الموضوع...وصرنا نسولف عن التريلات والخطوط ...
نقز غطروس
صدق ماعندكم سالفة... قم بس قم... أنا محاكيكم كنت داشر
يعني ماعندي لاشغله ولامشغله...مسكت معي غلط
وكان عند ابوي تريلة طولها 300متر وسرعتها 3000كيلو متر في الساعة...
جات طلبية للوالد يودي 5000 تيس لينبع
وقلت للوالد ابخدمك في المشوار.. وقال عساك للقوة..اخذت معي ولد عمي زليل

ومسكنا الخط وحنا في الطريق طبعاُ ..داعسين الطبلون كله ..ماغير انجاكر الطيارات
وكل شوي نسمع ..انفجار....واقفنا بعد ماكثرت الانفجارات....
وطالعنا الكفرات الا مافيه شي ....وطالعنا في صندوق التريلة الا مافيها ولا تيس
..ماغير تيسين متعلقين في الاستبنة ...بصراحة انهبلت صرت متنح مادري وش السالفة.
وبعدالتحقيق في الموضوع..
حلل زليل الموضوع وقال .
وقال الظاهر انه من زود السرعة صار الهواء يخش في بطون التيوس الين تنتفخ وتتفجر
كملنا مشوارنا وحنا نفكر..
وش نقول لصاحب التيوس!! وصلنا ينبع حول الفجر
زليل النذل طنشني ورقد ومادريت ياجماعة الخير الا وانا امشي فوق البحر..
والله يلهمني سبحانه وتعالى
إني ماضرب فرامل لأنه لو ضربت فرامل كان غطست صرت اديور بالتريلة شوي شوي
مالكم علي يمين ياجماعة الخير ان الموج
يدخل علي في الغمارة وفكنا الله وطلعنا وغرزت آخر كفرة
وسحبنا التريلا وقابلنا صاحب التيوس وقال: تفداكم.. صحة روسكم .....وسلامتكم

ويقوم
مريبض (رجال بلاه الله بالخراب)
جاك مطفي النور يمشي الفين وقال عندي لكم سالفة يالربع..
. مادريتو وش صار علي قبل اسبوع ؟؟؟ ..ايش صار يامريبض ؟؟
جيت من عرعر ماشي علي رجليه.. هههههههه قصدي جيت على الطيارة.. واول مرة اركب الطياره !
جلسونا في كرسينا وقالو تربطو ..وجاتني ذيك المرة الحمرا
الي سيقانها تقول اقلام رصاص الي ودك تتطارحها ..
وقالت: اربط الحزام.. وقلت :إعقبي وانا ابو شنب ..شيفتني تيس يوم تربطيني!!
وقالت مو من شاني من شانك )
والله مادري وش تقول فهمتو شي ؟؟
الوكاد ربطت الماخوذ.. وانا اتلطم ثم ارقد شوي.. مامداني أغفي الا شوي يوم حذفت الطيارة يمين !!
وانا اتعوذ من الشيطان.. شوي الا يوم حذفت الطيارة يسار!! وانا انتفض وانا اقوم عن كرسيي..
واسأل المضيفة وش بلاه السواق
وريني وريني درب السواق ..المهم يوم دخلت عليه في الي يسمونها(كبينة القيادة). الا الرجال ينعس ..
وانا اقول:هيه ياالاخو سلامات؟؟معاك فوق 300 ادمي
انت مريض ولا اش بلاك ؟ قال :والله مواصل مانمت يابو شنب ..قلت للمضيفة :روحي جيبي
براد شاهيوكثري الحلى.
وانا ادفه بحبتين من النوع الاصلي شوي الا الرجال يوم انتفض ويرفع صوت مسجل الطيارة
ويشب الزقارة ويمسك شماغه ويحطه على متنه
ويلتفت لي وقال :ايه عطني علومك؟..قلت: اقول حط رجلك.... وهو يدعس على الابنص ويصفق العالي
ويمسك المسار الايسر ويشربك للطيارات( تربتيت تربتيت )وحنا ماسكين الخط مادرينا الا راعي البوينج 747
مطلع يده مع الدريشه ويقول هدوا في تفتيش قد***م... الوكاد
وصلنا الطايف سالمين غانمين.... (وبعدها صارو طيارين الخطوط خوياي )..وسلامتكم

وسلاااااااااااامتكم خلصت سواليف النصابين ...
ملاحضه : : لا تنسى تطفي الاتصال لان القصص طويله .
ماهو لازم تقراها الحين . اقراها على كيفك .

أخوووكم البرنس حق الظهران[/align]