-
قيفان الألماس ،،،
قصيده في سيدي صاحب السمو الملكي الامير // عبدالعزيز بن ماجد بن عبدالعزيز آل سعود
امير منطقة المدينه المنوره حفظه الله ،،
،،،،،،،،،،،،،،،
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
ياحبر فخرك سوات البدر تبديبه = كنك تطرز من الألماس قيفاني
إستجوبتلك حروف العز والهيبه = هاماتها فوق تلبس حسن تيجاني
تسمو حروف الشرف والعز تمشيبه = لأجل السمو المحنك ذرب الايماني
أي والله إنه كما الحر ومخاليبه = صيده من العز دايم جزل وسماني
الوقت لاجار ضيمه مع مكاريبه = بوجه البسيطه هذاك مزبن الجاني
وبعزة الله عليمٍ عالمٍ غيبه = برب مكه وطيبه عالي الشاني
إنه مع الدم والنبضات تجريبه = نبضة غلا نومسة دمي وشرياني
ولا جبت شعري نفاقٍ يوم اغنيبه = ورب السموات إن الصدق عنواني
ومعروف ماني من اللي فاتحٍ جيبه = ولا صار شعري بضاعه وسط دكاني
لكنه الحب جابه من محاديبه = للي ملك حب غيري طيب وحساني
يمكن يقولون بين فخر تحكيبه = شوقت ناسٍ تبى تعرف كحيلاني
هذا سؤال البشر بالصدر ترتيبه = وترى جوابي بقلبي وكل لساني
الله يعيني وأكمل في مواجيبه = المجد عالي عسى التوفيق ينصاني
عبدالعزيز إبن ماجد يوم أماريبه = يشوش راسي وقيفاني بالاوزاني
والشعر يرقص فرح ويزين تركيبه = في سيدي حبك لولو قبل مرجاني
صاحب سمو ومعالي في مطاليبه = نسلٍ من آل السعود أمجاد الاوطاني
سمي صقر الجزيره من معاريبه = من عزوة أخوان نوره حصن وأركاني
ياسيدي مابها شكٍ ولا ريبه = صيتك كما المسك بين فلان فلاني
ماكنه إلا سحاب الوسم تحريبه = الخير والجود للقاصي مع الداني
في همتك ترتقي للجدي وتجيبه = والمجد في وسط كفك فيه برهاني
لو أتكلم بفعلك خلق تدريبه = لأجل الوطن شلت همك فوق الامتاني
مده وجيزه بدى مجدك مواكيبه = لويت عنق الثريا قدم الاعياني
المصطفى عاش بإرضك بين أصاحيبه = واليوم ياميرها صيتك لها باني
أكبر شرف مع فخر والفكر يطريبه = قبر النبي والصحابه وانته الثاني
ستر العذارى بيومٍ جاهٍ مصيبه = وريف الضعوف وذراهم بعد رحماني
وسيفٍ ليا عجعجت تسطي مضاريبه = وعلى البياد الوسيعه شمخ جمراني
إن شفت وجهك وطلق حجاج تبديبه = قلت أشرقي ياشموس الحظ بأكواني
وإن شفت صدرك رحيبٍ زاد ترحيبه = قلت بضميري بصدره زين بستاني
وإن شفت طبعك تواضع قلت ياطيبه = يتبع سلوك النبي مع شرع قراني
وإن شفت كفك على المدات ضاريبه = قلت أشهد إنه عطى هتان الامزاني
وإن شفت رايك وقولك يوم أحليبه = قلت المحنك كلامه رمي نيشاني
دمع القصيم إنتثر والكف توميبه = وتقول وينك ترى حبك بوجداني
وبدون قاصر لمن قلبي يهليبه = فيصل صحيب العزيمه عز ماهاني
ياسيدي والدك هذي مراقيبه = يبني قصور القمم لأجيال الازماني
عساه في جنة الفردوس يهنيبه = ويلقى رضى رب راضي غير غضباني
ياسيدي فزت بالطيب ومشاريبه = حتى كسبت القلوب أشكال وألواني
أبوك رمزٍ لمكه وانت في طيبه = هذي مناصب شرف للأنس والجاني
جيتك من أرض القصيم أحمل مكاتيبه = يدفعني أغلى وفاء بالصوت ناداني
قله كلامٍ صدق صادق هناديبه = إنطق بها لاتردد بين الاخواني
وهذي صراحه وهرج الكذب ماليبه = إبوي بالصدق والتقدير رباني
غلاك ضلعٍ وشوقي عاويٍ ذيبه = تحت المحاديب يمك لين وداني
وانا عتيبي وربعي دايم عتيبه = جنود تفدى هل العوجاء والاوطاني[/poem]
وسلامتكم ،،،،
-
صح لسانك وسلم راسك على هذه القصيدة
التي قيلت فيمن يستحقها نحسبه كذلك ولا نزكي على الله أحداً
صح لسانك اخي الكريم ولا شك ان حب ولاة الأمر دليل على ايمان الشخص
وهذاامر طيب
فلك كل الشكر الجزيل على هذا الجمال والكمال
ويستحق الأمير ماجد كل خير فهووجه خير
-
عبدالرحمن البراق
صح قلبك وكلك
وسلمت اناملك
جزلة ومن شاعر جزل
تحيتي لك
-
.
الله الله
الشاعر : عبدالرحمن البراق
بيض الله وجهك ويستاهل الممدوح
وجزل ولاهي غريبه الجزاله منك ياذيبان
صح لسااااااااااانك ولاهنت
دمت بخير
محمد بن نايف
-
الشاعر الرائع
عبدالرحمن البراق
صح لسانك ملايين
كتبت وابدعت
وقصيدة قيلت فيمن يستحق
تحياتي لك
-
[align=center]
عبدالرحمن البراق
ـــــــــــــــــــــــــ ــــــ
صح لسـانك وقلبك أخوي
وتسلم يمينك على الطرح الجميل
لاهنت يا عبدالرحمن
ـــــــــــــــــــــــــ ــــــ
أخوكـ/خالد
[/align]
-
صح لسانك وعلا شانك يالبراق
قصيده جزله من شاعر متمكن وجزل
لله درك
-
البراق شعرا
صح لسانك يابطل على هالنص النايف
ويستاهل الممدوح وانت وافي ياوافي
تحياتي
-
صح الله لسانك شاعرنا البراق
ولاهنت على هالجزله
لك التقدير’,,
-
-
مصلح المحمدي صح بدنك ولاعليك زود يالغالي
-
عبد الرحمن البراق
هلا بك وغلا
صح لسانك الى رضاك
كتبت فابدعت
وبلاشك صاحب السمو الملكي الامير / عبدالعزيز بن ماجد بن عبدالعزيز
كفو ويستاهل المدح ..
وانت شاعر رائع وجال وافي ..
تقبل مروري
-
صح لساانك وعلا شانك
وبيض الله وجهك على هالقصيده
دمت
وتقبل مروري
-
محمد نايف تسلم ياغالي ولا عليك زود
-
عبدالرحمن
صح لساانك ولاهنت
ابدعت وامتعت
تقبل مروري
