السلام عليكم ورحمة الله وبركاته
طحت على موضوع يتكلّم عن وحم المرأه الحامل ..
كل حرمه بعد ماتحمل بشهر والا شهرين تجيها ايّام تشتهي اشياء مال امها داعي..مثلا تشتهي تاكل
اسمنت..والا تشرب عطر...والا تفصفص كنب..والا تعض خشم احد((خخخخ.واذا ماسوّت هالشئ يقولون تطلع شامه وش كبرها بوجه ولدها
وهذا الشئ يطلق عليه اسم (وحم)
ماهو الوحم؟
يقال ان الوحم يرتبط بحالة الحامل من الناحيه النفسيه..وهالشئ يخليها تكره روايح واشياء كانت تحبهم من قبل...وتحب اشياء كانت تكرهم من قبل...
زبدة كلامي.. ان الوحم مجرد ((دلع)) يصيب الحامل فتره من الزمن فتصبح غير قادره على التحكم بذاتها وتتمييع على زوجها وتطلب منه اشياء تدري انه لو يطير مايقدر يجيبها..
والحين...خلونا نسأل امّهاتنا...امّي الحبيبه..بماذا كنتي متوحمتن فيه يوم انّك حامل فيني؟
بالنسبه لي..اوّل ماسألت امّي..قالت لي..والله يابنيتي من يوم حملت فيك لين آخر شهر في الحمل وانا ماغير راكبه السياره مع ابوك ونلاحق سيارات الفليت ونوقّف في محطّات البنزين ونشمشم باللهم ياكافي ... وانا اقول وشفيهم خدودي تسذا.. واحد احمر مكتوب عليه 95 والثاني اخضر مكتوب عليه ((خخخخخخخ
صراحه مره انصدمت...لأني كنت متوقعه انها متوحمه على القمر < هههههه
فيه كثير قصص سمعتها من صديقاتي... اللي امها متوحمه على لحم قطاوه..واللي على طباشير...واللي على صابون تايد...اما عاد تخيّلو اللي متوحمه على صابون تايد تولد في الشهر الخامس وينزل ولدها وهو يغنّي ((مع تايد الغسيل مافيش مستحيل))
ذا الروايح
عموما...اللي ابيه منكم..كل واحد يقول لي امه وش كانت متوحمه عليه؟؟
يلاّ لكم المايك...
...
دوومه..
:
