تنبه عدل المكسور وركز لي على أوزاني !
بسم الله ،،،
أرجو أن تنال على الاعجاب
[poem=font="simplified Arabic,5,blue,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
تواجهنا على الايميل ترسل لي كلامن عبّط=وأنا في ساعة الموقف بكل الليل سهراني
تكلمني وانا مدري وش اللي ودها بالضْبطّ=أخاف ابدى أكلمها ويطلع قصدها ثانْي
واخاف إني بعيد هناك وهي تنطر حروف النبط=الا يالعنبو هالسر وحل اللغز والجاني
تراسلني بقصايدها بذي فصحى وهذي نبط=تنبه عدل المكسور ركز لي على أوزاني
تقول بشعرك أتلذذ وفكري من تعبه يهبط=تقول تصدق أحبك مثل واحد من أخواني
تقول أحسد انا فلانه وأغبطها وربي غبط=حظيظه تنكتب فيها قصايد حب وجداني
وِانا تحسبني هوين وانا عندي هواية ربط=إليا مني حكرت البيت ثارو كل جيراني
تلاعبني وانا والله زعيم الربط ويا الضبط=أمشكل مثلها بشكه ولا يمكن تحداني
وانا اللي اضبط العبطه وأحطه بأضطراره عبط=وش اللي جابني لمه ولمه ويش وداني؟
أحس انه تشبط بي وانا راضي بوضع الشبط=أبتسلى وأبتسلى مدام العرض مجاني
وأنا لولاي أخاف الله لا أحل المشكله بالخبط=عجينه كنها لصقت وطينه لو توطاني
صراحة من تراسلنا وانا خلقي معك منبط=صدر مني قرار الحذف ياذربين الايماني [/poem]
وسلامتكم
أبن بشَير
رد: تنبه عدل المكسور وركز لي على أوزاني !
ماشاءالله عليك
ابيات محكورة على طيب الأوزان..
وقصيدة رائعه المعاني..
عدنان البشير
سعدت بالمركز الفاخرهنا.
تقبل شكري وتقديري..
وفقك الله..
رد: تنبه عدل المكسور وركز لي على أوزاني !
صح لساانك عدنان ولاهنت
عشت صراحة جو القصه :)
ابدعت وامتعت
تقبل مروري
رد: تنبه عدل المكسور وركز لي على أوزاني !
الشاعر عدنان البشير
صح لسانك
بصراحة قصيدة كافيةوكايفة
ارق التحايا لشخصك الكريم
رد: تنبه عدل المكسور وركز لي على أوزاني !
تقول تصدق أحبك مثل واحد من أخواني
علمتك يعني قف انتبه من قطع الاشارات الحمراء فيها سجن شهر وغرامة 900
ههههههه علي الملازيم انك حكرتها وبسلوب رايع وقافيه ولا اروع وصح لساااااااانك
تقبل التقدير والاحترام
مع تحياتي
رد: تنبه عدل المكسور وركز لي على أوزاني !
صح لسانك ياعدنان
وسلمت اناملك
مبدع وممتع
وننتظر تفاعلك مع كل مايطرح في هذا القسم
تحيتي لك
رد: تنبه عدل المكسور وركز لي على أوزاني !
اقتباس:
المشاركة الأصلية كتبت بواسطة النوري
ماشاءالله عليك
ابيات محكورة على طيب الأوزان..
وقصيدة رائعه المعاني..
عدنان البشير
سعدت بالمركز الفاخرهنا.
تقبل شكري وتقديري..
وفقك الله..
[align=center]حيـاك الله يالنوري
صح بدنك
لنا الشرف
أشكرك وأشكر تواجدك وتشريفك
دمتِ[/align]
رد: تنبه عدل المكسور وركز لي على أوزاني !
اخوي الفاضل
ماشاء الله عليك
قافيه صعبه لا يتقنها الا فطاحلة الشعر
وانت منهم
ايضاً الفكره جائت مميزه وانت هنا مميز
دمت بهذا الابداع
رد: تنبه عدل المكسور وركز لي على أوزاني !
[align=center]
عدنان البشير
ـــــــــــــــــــــــــ ــــــ
صح لسانك مليون
وتسلم يمينك يالغالي على الطرح
لاهنت يالغالي
ـــــــــــــــــــــــــ ــــــ
أخوكـ/خالد
[/align]
