!!.. شربت حرمان الليالي كوب كوب ..!!

من باب التواصل

والعذر على التقصير

.
[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]



نوب آخَشِع واتدمّع عيونـي .. ونـوب=مايطري اف بالي قـدر ربـي وقضـاه
أتوب وأغرق في بحر لـخْطـا وأتـوب=وأتعوّذ مْن ابليس وأمشـي فـي هـواه
الله يطهّرلـي خفوقـي مـن الـذنـوب=وعسى مع الناجيـن يكتـب لـي نجـاه
شربت حرمـان الليالـي كـوب كـوب=أعطي الزمن وجهـي ويعطينـي قفـاه
جملة ظروف تحدني مـن كـل صـوب=على ان لي عـزّه ولـي لابـه وجـاه
أصبـر وأصـك دروب وآفـتّـح دروب=والـحـظ مــا والله يـذريـنـي ذراه
ياخف حِمْل المتن عـن حمـل القلـوب=وياضعف عقل اللـي يساويهـا وغبـاه
حِمْل المتن .. شمسٍ لها شروق وغروب=وحِمل القلوب أثبت مـن جبـال السـراه
ياويل من يقرب مـن البعـد امْغَصـوب=غريب بيـن أهلـه وناسـه وأصدقـاه
مشاعـره والشـوق غالـب ومْغلـوب=وحـرب الفـراق المـر دايـرةٍ رحـاه
ماله عن مْسامر سنـا القمـرا هـروب=سـرَت ليـالـه بـيـن آه وبـيـن آه
مـن ليلـة البـارح وعينـه للجنـوب=مايـفـرغ ويستقـبـل الاّ لـلـصـلاه
على ان شمال وشرق مافيهـن عيـوب=قلوب تنبـض حـب وطْمـوح و حيـاه
صدره دول وجموع أحاسيسـه شعـوب=تبكي على من غاب لو غـاب برضـاه
أقفى .. وغصن الشوق تطرقْه الهبـوب=من وين ما مـال الهـوى ميّـل معـاه
راح وبَعَـدْه العمـر ماهـو بمْحَسـوب=يالله عسـاه يحـنّ ويـعـوّد عـسـاه
يستغفـر مْـن ذنـوب جفـواه ويتـوب=ويامن خفـوقٍ منّـه الخـوف اعتـراه
يبني بْ يِدَه بيت المحبّـه طـوب طـوب=أساسـه اخلاصـه وجدرانـه وفــاه
مايبـري جـروح المحبّيـن الـهـروب=ولا الهجر طـوقٍ مـن أطـواق النجـاه [/poem]

.

فهد بن عبدان

صح لسانك..وأعتلى شانك..



ومزيدا من التميز والإبداع..


مع شكري وتقديري...

حياك الله وصح لسااانك

والزعل واجد على شرواك لانه يهمنا

تواجده وتواصله تقبل تحياتي وتقديري

فهد بن عبدان


عزالله العزيز انك ابدعت


صح لسانك


صح لسانك

مايبـري جـروح المحبّيـن الـهـروب
ولا الهجر طـوقٍ مـن أطـواق النجـاه

ياسلام ياسلام

ابدعت وامتعت

صح لسانك واعتلا شانك

تحياتي

[align=center]
فهد بن عبدان
ـــــــــــــــــــــــــ ــــــ
صح لسـانك واعتلا شانك !

تسلم يمينك أخـوي

مبدع يأنت دوماً

لاهنت
ـــــــــــــــــــــــــ ــــــ
أخوكـ/خالد
[/align]

فهد بن عبدان

هلا بك وغلا

صح لسانك الى رضاك

مبدع كما عهدناك

الله لايضرك

تقبل مروري

النوري

مشرفتنا العزيزه

هلا بك

[align=center]صح لسانك يافهد[/align]