راح سعيد المولد الله يستر عليه بس من الآن لازم ......

طبعاً من الأساس ذهاب سعيد المولد خطأ إداري بحت ، ومافي داعي للكلام اللي ماله لازم ، اللاعب حب يأمن مستقبله ومن الأساس كان يلقى سب وشتم من أغلب الجمهور ، وما زان اللاعب إلا يوم وقع للاتحاد ؟ خلاص سعيد صفحة وانطوت وما كنت حاب أشوف إدارتنا بهالمنظر استشارات قانونية وخطابات وكلام لا يقدم ولا يؤخر دام الغلط حصل وهو وارد كل شخص له أخطاء ، خلاص كانت واضحة من البداية وجهة سعيد وأنهوا الموضوع بدل الوهم اللي كنا عايشينه .


المهم ماعلينا الآن لازم الإدارة تجيب فيصل الخراع ظهير هجر فهو أفضل ظهير حالياً بعد ياسر الشهراني .
وأتمنى اللي حصل يكون درس للجميع ولا يتكرر ، ولا مانع من رد الصاع صاعين .

أتمنى من إدارة الأهلي إغلاق الموضوع ، بلا فيفا بلا هم بلا وجع قلب ، انتبهوا للفريق وخلاص سعيد انتهى أمره ، لا تنجرفوا خلف من يريد إخراجكم خارج الملعب لأنكم في الطريق الصحيح الآن واتركوا المهاترات اللي مالها داعي ، جيبوا فيصل الخراع والله راح ينسينا سعيد وغيره وسبق أن طالبت فيه قبل شهر من الآن ، أتمنى ما يروح من بين يدينا .