الــشـقــايــق

[poem=font="Simplified Arabic,6,purple,bold,normal" bkcolor="transparent" bkimage="backgrounds/15.gif" border="none,4,gray" type=2 line=0 align=center use=ex num="0,black"]
تَسّلبني أعذارك إذا صرت رايق = وإذا زَعلت تصير كلّك حكاية
أشتاق لك بالثانية والدقايق = ياجمل نديم ليّ وأجمل رواية
آمالنا تشبه أماني الشقايق = الكل منهن عندها كمّ ؛ غاية
يا ذوق معشوقك عدا كل ذايق = هل للنّفق دونك بداية نهاية ؟
علّقت في سُحب الأماني العلايق = وشكّلت من حلمي عليها حِماية !
عبدّت لك حدب المحاني طرايق = ياطا بها طيفك إذا مرّتايه
بالله لا جاتك شجوني وسايق = تضفي عليها من حنانك ملاية
اطعن فتوق الوهم باصدق حقايق = واتلو عليها من كتاب الهداية
نقهر هل النّمّة وراع اللفايق = نشبك يدينا في ضحاهم نكايه
تعيش بي رايق وانا عيش فايق = تصير لي موج وانا صير مايه
نصير لأهل الحُب ضي وحدايق = والكل منهم يبتدرنا بنايه
ننشر صحايف حبنا في وثايق = يكسب خلفنا من سلفهم درايه
لوّ تنظر بصدري جهولٍ يوايق = لامرّ طاريّك رفعها دعاية
يعيش دونك مكتئب وجه ضايق = تخشى تقاسيمه زوايا المراية
ماعاد هو دونك على البعد طايق = هذا هو يقدم شفوع الشكاية
ساقه من الوجلا عليك ألف سايق = ذب الخطام ولحقه بالعباية
خلّك على ظنه حنونٍ ولايق = لا تفرح الحساد وهل الوشاية
حذراك لا تفرح عليه الخلايق = ويصير نيشان الحسد فالرماية[/poem]

محمد السالم

هلا بك وغلا

صح لسانك الى رضاك

بدون مجامله قصيدة من اروع ما قرأت في الاونه الاخيره ..

كل ابداع شعري موجود في هذا المتصفح ..

بااختصار :

لااجد من التعليق مايليق لذا ساكتفي بالتصفيق ..

سلمولي على الشعر الصحيح

مثل ماقال اخوي احمد الشمري من افضل ماقراءت في الاونه



الاخيره



صح لسانك وبيض الله وجهك


بانتظار جديدك

شاعر من العيار الثقيل


جزل وصح لساااااااااانك لين ترضاا

هذا القصيد الي له طعم تقبل تحياتي وتقديري

.

الله واكبر عليك

محمد السالم

ابيات محبوكه وجزله واشهد بالله اني صبحت على ابيات جزله


لاهنت يامحمد وبالتوفيق


صح لسااااااااانك لاهنت


دمت بخير


محمد بن نايف

محمد السالم

هلا بك وغلا

صح لسانك

جزلة ومن شاعر جزل


تحيتي لك