كيف النذل يصير عذب السجايا..؟!!
[align=center]السلام عليكم ورحمة الله وبركاته
مواقف كثيرة تمر علينا فتخرج المشاعر تلقائية
وتعبر الكلمات فقط عما يحدث ولو تعبيرا بسيطا
جميع مااكتب يكون ارتجالي نتيجة موقف ما
لذا اعتذر على الكسور في القصيدة واتمنى الا تبخلوا علي بالتوجيه..
وللعلم اول مرة نشرت بتاريخ 13/5/2007[/align]
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مافادني كثر البكا لـو إنـي بكيـت=وماحد بسامع صوت حزني وبكايـا
خطـاي انـي علـى النيـة مشيـت=أهديتهـم روحـي ولنفسـي البقايـا
طبـع الغـدر بدمهـم وأنـا وفيـت=ماينفـع التقديـر بـنـاسٍ ردايــا
كيف طعنوا قلبٍ صـار لهـم بيـت=كيف النذل يصيـر عـذب السجايـا
ياما عن عيوبه سكتـت وتغاضيـت=قلـت الهدايـة بـس مامـن هدايـة
ياما نصحتـه وبالخيـر لـه نويـت=وأستاهل يوم إنـي صفيـت النوايـا
درب الردى ماعرفه ولا له سعيـت=وإذا أنـا أخطيـت أعرفـه خطايـا
لأني على الأخلاق عشـت وتربيـت=وماهمني هـرج الحسـد والوشايـا
كل ماقلت فيني من كـلام وتحكيـت=يحاسبـك ربـي جزيـل العطـايـا
وش عاد لو تصيـر فنـان وغنيـت=درب الردى يكمـل بهـذي الهوايـه
أنا أعتـرف بعرفتـي لـك ترديـت=حسبت كـل النـاس عنـدي سوايـا
تظـن لأجلـك كتبـت وتعنـيـت؟!=كتبـت للـي كنـت أحسبـه معايـا
خويك اللي خان وفوق حجمه أعطيت=ماهو خـوي ولاتسعـد بـه الحنايـا
ياما كذبت وبكذبـك واجـد تماديـت=تظن العقـل يعمـى دامـك هوايـا
شرهتي على اللي أفرح به لاجيـت=وأشكي لـه ظيـم الزمـان وظمايـا
شرهتي على الأخو طيـب الصيـت=اللـي رمانـي والتفـت للحكـايـا
أنـا بحياتـي ماطلبـت وترجـيـت=والحين بطلـب لـو تحقـق رجايـا
أغليـت قلـوب كثـيـر وتمنـيـت=نبقـى سـوا ولكـن هـذي النهايـة
[/poem]
رد: كيف النذل يصير عذب السجايا..؟!!
لأني على الأخلاق عشت وتربيـت
وماهمني هـرج الحسـد والوشايـا
غـلا بلادي
ياهلا فيك..
مشاعر جميلة.حسرة وشره.وغلا..وعتب..
بداية رائعة..
يقولون من رحم الألم يولد الأمل..والأبداع
حياك الله..
ومنتظرين الجديد..
رد: كيف النذل يصير عذب السجايا..؟!!
[align=center]
اقتباس:
المشاركة الأصلية كتبت بواسطة النوري
لأني على الأخلاق عشت وتربيـت
وماهمني هـرج الحسـد والوشايـا
غـلا بلادي
ياهلا فيك..
مشاعر جميلة.حسرة وشره.وغلا..وعتب..
بداية رائعة..
يقولون من رحم الألم يولد الأمل..والأبداع
حياك الله..
ومنتظرين الجديد..
الأروع وجدك الغلا
الله لايحرمنا طلتك الراقية
كل الشكر :و:[/align]
