صياح كل ليله

بسم الله الرحمن الرحيم
السلام عليكم ورحمة الله وبركاته
أخواتي العزيزات
بصراحه ومن دون مقدمات عشان ما اطول عليكم
انا عندي بنتين وولدين
الاولى 7سنوات والثانيه 5سنوات
والاولاد2ونصف وسنه ونصف
ومشكلتي اللي اتمنى القى لها حل
وتعبت منها وتعبت حتى اللي حولي
والرجاء الرجاء مساعدتي
عيالي ما ينامون كل ليله الا بعد مايقعدون 45 دقيقه صياح حولت بكل الطرق معاهم (احكي حكايات ولا اشغل قران ولا اسلوب الثواب والعقاب ) مافيه امل يتعدل الوضع
حتى اذا رحت زيارة لاهلي وكنت راح انام عندهم معـــــــــــــــــــــــ ـانـــــــــــاه بمعنى الكلمه

امانه
ساعدوني

وعليك السلام والرحمة

هلا فيك أخيتي

أسأل الله أن يهدي عيالك

ويخليهم لك

أما بالنسبة لمشكلتك

فالطفلتان أعمارهم تسمح لك

بفهم مشكلة بكائهم عن طريق سؤالهم

والتودد لهم

أما الأولاد..فما زالوا صغار

قد يكون سبب بكائهم جوع أو ألم

فالأطفال عادة يعبروا عن ما يكدرهم

بالبكاء الشديد

الله يحفظهم لك من كل مكروهـ

وانتظري أهل الخبرة


.
.
.


أختكـ الخياله

[align=center]
حياك الله حبيبتي


واتمنى ان تحصلي حل لمشكلتك


وغالباالطفل يكبي اذا صار فيه نوم


والا يكون فيه قلق


حاولي تكونين له اساليب الراحه بالنوم


والله يسهل مهمتك[/align]

مشكورات عزيزاتي على المرور والرد
انا قبل النوم اكون ماكلتهم ومغيره لهم
واطفالي الصغار كلهم يتكلمون بوضوح
لكن البكاء من دون سبب
حتى الكبيرة اللي تروح للمدرسه قبل ماتنام بكاااااااااااااااء فضيع احاول اهديها ما فيه امل

لكن الله يهديهم

ياحبيبتي الله يكون بعوونك يارب
وترى هالشئ صاير موضه عند البزران الله يصلحهم
تلاقينهم لازم يبكون ومايكرهون اي شئ بهالدنيا الا لا جاء وقت النوم
خليهم يبكون ولا تحاولين تراضينهم او تكلمينهم حطي كل واحد بسريره وخليه يبكي مادامهم شبعانين ونظاف بيقعدون يبكون ويبكون لين مابتعبون وبالاخير راح ينامون ومع الاستمرار راح يتعودون وخاصة لا عرفوا انك ماراح تجينهم طوالي لانك اكيد لا بكوا رحتي تركضين لعندهم وتحاولين تسكتينهم وتراضينهم وشكلهم تعودوا على هالوضع وعاجبهم
مع انهم ماشاءالله وخاصة البنتين كبار خلاص ومن المفروض يدخلون لغرفهم وينامون بدون اي صجه
انتي امسكي نفسك ولا تروحين لهم ابد
انتي جربي اسبوع كذا وبإذن الله راح تلاقين فيه فرق
والله ييسر لك يارب ويعينك على تربيتهم