كيف كسبت 50 مليون ريال في أقل من 5 أشهر
السلام عليكم ورحمة الله وبركاته
أنا موظف بسيط في شركه بسيطه في مملكتنا الحبيبه.،
مجتهد ومتميز في شغلي ومهاراتي الخاصه ولي إنجازات تفخر فيها شركتي وهالكلام الكل يشهد فيه .،
الشركه اللي اشتغل فيها حققت أرباح و نجاحات متميزه .،
وتم تكريمي من أفضل الموظفين في السنه .،
في يوم من الأيام تعرفت على واحد أسمه تركي .،
تركي هذا كان معروف في الشركات الكبرى على مستوى العالم .،
وبيني وبينكم أنا أعرفه وأعرف ليش جاني .،
تركي هذا كان يعرض الموظفين المتميزين على الشركات الكبيره
وياخذ سعيه في هالموضوع من رؤساء هالشركات الكبيره .،
http://www.jornada.unam.mx/2009/05/2...032n1cap-1.jpg
في يوم جاني تركي وقالي يا سلطان وش رايك تشتغل في المكسيك .،
تفأجأت بصراحه !!
وش يوديني المكسيك ..!!
وأبعد عن أهلي و ناسي ..!!
http://nogtah.googlepages.com/53.jpg
رفضت ..
وقلت له يا تركي أنا طموحي أشتغل في شركات عالميه .،
مثلي مثل أي موظف .،
أو أبقى عند أهلي وفي ديرتي .،
قاطعني تركي .،!!
وقال خلني أشرح لك بالتفصيل .،
في المكسيك عندهم هناك شركات تضح ملايين لهدف انها تنجح
وماتفكر أبد في الماده و الفلوس تبي بس " الإنجازات ".،
وفي قوانين عندهم أنه مسموح لهم بس 4 أجانب يشتغلون في الشركه .،
ولازم الموظفين الباقيين من أبناء البلد .،
وهالشركات بصراحه ماتثق في المكسيكيين .،
هنا قاطعته وقلت له ..
الحين تبيني أروح و أنجح شركه بمجهودي لحالي ..!!
بالعقل ماتصير ..، ومن المستحيلات ..
قالي وهو يضحك .،
ومن قالك أنك لازم تنجح الشركه ..
ياحبيبي حنا بنعرض عليهم السي في حقك و إنجازاتك .،
وكم مقطع فيديو للمشاريع اللي حققتها .،
ونوقع معهم عقد مبلغ وقدره .،
قلت طيب وبعدين ...
قال وبعدين هذي هي لعبتك .،
راح نكتب في العقد شرط جزائي في حالة فسخ العقد من أحد الطرفين.،
وراح نحطه 3 مليون يورو .،
وقيمة العقد معهم ب 6 مليون يورو .،
يعني الإجمالي إذا حسبته تقريبا بعد التحويل لريال 50 مليون ريال .،
(خارج النص : 3 مليون يورو بعد تحويلها لليورو من عملة المكسيك .، عشان نفتك من أي واحد نفسيه بيرد ويقول عملة المكسيك مو يورو :D )
قلت له .،
الله يرحم والديك .،
ترا مافهمتني وش راح اسوي .،
قالي بكل بساطه .،
لا تسوي شي .،
خلك بارد .،
لا تتعب نفسك كثير في الشغل ..
يعني بالعربي خلك أفشل موظف في الشركه إذا قدرت .
عنده بس المسؤولين في الشركه ماراح يقدرون يصبرون أكثر .،
لانهم خلاص مايسمح لهم إلا 4 موظفين أجانب بس ..
وراح يطردونك .،
وبعدها راح ترجع لسعوديه .،
ومعك 50 مليون ريال .،
وطبعاً حصة أخوك تركي موجوده ماتضيع ..:D
وأبد أول ماتوصل أزهلها أوظفك في أحلى شركه هنا .،
فعلاً رحت المكسيك .،
وسويت نفس اللي أتفقنا عليه .،
أنا وتركي .،
وبعدين بيني وبينكم .،
الشركه نوت تطردني من بعد أول شهرين و الكل في الشركه عرف في الخبر .،
وأنا مبسووط ان الخطه نجحت .،
وكان في واحد من أخواننا العرب معي في الشركه .،
بصراحه أحس انه فهمني وفهم وش اللي براسي .،
اول ماجاء الشركه كان متميز وبعد ماشاف وضعي .،
وإني راح استلم فلوس من الشرط الجزائي .،
وإني برجع لديرتي .،
رغم كل اللي اسويه من فشل http://www.alrage.net/vb/images/smilies/rofl.gif
صار يتاخر كثير ،،
ويبي ينطرد باي وسيله .،
ويقول ياليتني وضحت لهم اني فاشل ..
قصة من الخيال .،
أحببت أن أوصل لكم ما أفكر فيه ولكن بأسلوب أتمنى إني وفقت في إيصالها
عن بعض اللاعبين الأجانب المميزين في أنديتهم و أسباب فشلهم في أنديتنا .،
حتى أصبح البعض كأنه لأول مره يمارس الكرة ولا يستطيع أن يركض حتى ..!!
وبعض اللاعبين المميزين في أول ظهورهم ثم يتغيرون ليصبحوا أفشل الموجودين بدون أسباب وبشكل عجيب .،
- هل هذا فعلاً يحدث للأنديه السعوديه أنها ضحيه للأعبين الأجانب والسماسره في العالم ..!
- وهل يؤثر هذا على أداء باقي اللاعبين الأجانب في الفريق ..!
- هل أصبحت أنديتنا لها سمعه عالميه أنه تتعاقد و تلغي العقود بشكل سريع على مستوا العالم .،
مدربين و لاعبين .. أنديه و منتخبات ..
- هل النظام الأسيوي هو السبب في هذا الشي ..
بتحديد فقط 4 لاعبين أجانب منهم واحد آسيوي ..!!
وأن هذا الشي يسبب ضغط كبير على الأنديه ومصالحها .،
ويتم وضعها تحت رحمة هذا اللاعب في نجاحه و فشله .،
