السلام عليكم والوئام عليكم والرحمه عليكم والبركه عليكم والمنه عليكم من الله
كيبورديه أبت إلا أن تكون بينكم وكما كانت من لحظتها
[align=center]
كل الصور
اللي على جدر الزمن
تحكي عن الماضي وعن
واقع ألم
معك القلم..
شوفي الصور ..قبلُ وبعَد
ثم إكتبي كل الفروق...!
قبلُ وبعَد
[إنتي وانا ]
قصه نعيش فصولها
فيها ولاحن حولها
فصل(ن) ندم
دمع(ن) ودم
وفصل حديث الأمنيات
هل ما مضى يمكن يعود..؟
معك القلم...
قصه معك قبلُ وبعَد
منها إكتبي كل الفروق !
/
قبلُ وبعَد
[طير الحلم]
ماكان يوم إنه صعد
إلا كمن قام وقعد
حلم إنهدم
صاير عدم
أيوه ياحلمي اللي راح
شتان بينك والجديد ..!
معك القلم ..
عيشيه من قبلُ وبعَد
ثم اكتبي كل الفروق....
/
قبلُ وبعَد
[حال إنقلب]
قلب باحضانك رضيع
وشلون ماودك يضيع
والهجر عم
والبعد تم
ايام كنتي له الأمان
والحين ياخوفي عليه
معك القلم ...
شوفيه من قبلُ وبعَد
ثم اكتبي كل الفروق ..!
/
قبلُ وبعَد
[حبر وقلم]
كان الشعر يبكي فرح
والحين لا ..منك إنجرح
يبكيك دم
ينزفك سم
يكتب ووزنه بالألم
مستفحل(ن) مستفحل(ن)
معك القلم ..
شوفيه من قبلُ وبعَد
ثم أكتبي كل الفروق ..!
/
قبلُ وبعَد
[شوفي هنا]
بعض الصور لـ انتي وانا
يوم السعاده والهنا
ياكم وكم
الحين هم
يكفي خلاص العمر راح
خلاص يكفيني خلاص
معك القلم ...
شوفيه من قبلُ وبعَد
ثم اكتبي كل الفروق ..!
/
قالت كفى
أقسم قسم
جف القلم
يكفي علي
والله انا
مثلك بعد
أواه لو
نرجع ورى
ونبقى على
صدق الوعد
/
قلت اوعدك
هذا العهد
أبقى معك
قبلُ وبعَد
...
.
[/align]
