مرقب السمراء

[align=center]السلام عليكم ورحمة الله وبركاته

مصافحتي الآولى ابيات اتمنى انها تحوز على استحسانكم

وللمعلومية يوجد دخل القصيده لغز اللي وده يفكر او يحرك مخه شوي[/align]






[align=center][poem=font="Simplified Arabic,7,white,bold,italic" bkcolor="blue" bkimage="backgrounds/50.gif" border="double,4,chocolate" type=2 line=0 align=center use=ex num="0,black"]
عديت بالسمرا قبل وقت الادماس=ابي الوناسه بس زادت هجوسي
الجو كتم واصبح الفكر محتاس=كني غليث(ن)عرق قلبه ينوسي
وانتل قلبي تلت الجمس ياناس=حدر شجاع(ن) للمخاطر يدوسي
عبا التوانك فل والحمل مايقاس=حشيش مع هروين وشي مغموسي
السير بالمكره بداء يضرس اضراس=يعوي كما الشنه ليا جاه قوسي
وسط المكينه ولعة حرب وعفاس=ولو تنشد تقول ضيم التروسي
حذف الحصى من الكفر مثل الاقواس=ليا التمو الجمعين بحرب البسوسي
دربه وعر كله جلد ماهو اطعاس=لاشك حده قل مسك الفلوسي
وزال الخطر عنده عقب كتم الانفاس=وعدا الحدود وكل ذيك الرسوسي
وطلع من الدفدوف وولاه مقباس=وبدا يحسّب وللمكاسب يقوسي
وفجئه تفاجا بوسط الخط حراس=سبة بلاغ(ن) من عوايد بلوسي
ورده من الراحه على ثالثه داس=وعود يتله مع طريقه نكوسي
ضغطه على السته قطع فيه مرواس=وناوش له الراحه وروح يهوسي
وكلم على الثريا عوينين وانجاس=قال افزعو يومي عليه عبوسي
ومنه تبرو وعود الوضع لفلاس=وسلط عليه الله بقطم التروسي
حيث ان حمله لمخة الراس لحاس=والله على المفسد يحطه تعوسي
وسحب ابو عطفه والوضع ملتاس=من نوع كلاشن كوف تصنيع روسي
ثم ابتدا يرمي والرمي بقياس=له رميتن بين الاحجه تبوسي
حيثه جعاع(ن) لصعيبات دواس=ورثة زحلول(ن) منتمى لندنوسي
ثم جاه قناص(ن) على الرمي له ساس=رميه قرار(ن) صوب قلبه يقوسي
حالي مثل حاله وهي حالة الياس=اقوم واجلس ماتحمل جلوسي
وون تال الليل وامسك على الراس=وليا انشدوني قلت لجن ضروسي
اخفي معاناتي وهمي عن الناس=وانا بلايه حب زين اللبوسي
الجادل اللي ماوطت درب الادناس=وعقله رزينن ماحكت للهلوسي
لو تقرط المغشات ليا فلت الراس=غطت على نجوى وهيفا وبوسي
وليا مشت والثوب مع ساقها لاس=تقول يبذح بسرة القلب موسي
والعين عين اللي على الكف قرناس=شره على الصيده بتوع(ن) فروسي
حبل الوصل من بيننا حلقت الساس=واقصر مسافه ثم ياسين دوسي
وبعد على ماقيل كلمة قوي باس=بس افهمي ثم اعتني بالدروسي
اخفيت سر البيت والهرج حساس=عساه يبقى عن اللعين محروسي
ويلبّله عقلن له الفهم نبراس=ويخفى عن اللي بالعوايد بلوسي
كرهي لبعدك كره سالم لجساس=وغلاك عندي بالضمير مغروسي
رؤفي بحالي بابعد كل الاجناس=ليا صار انا قلبي عليكم لهوسي
دقات قلبي كنها صوت الاجراس=ليا نامت العالم غداله رجوسي
متى على الله يطلع الطير قرناس=واصير انا العريس وانتي عروسي
على كلامي يوم جيبته على آآآس=والقاف الاخر يوم جبته على اوسي
في مرقب السمراء قبل وقت الادماس=ابغا الوناسه بس زادة هجوسي[/poem]


[glow=FF0000]وســـلامتــكـم[/glow][/align]

نهـار الدحيلان

ابداع في امتاع

تسلم ابيات كتبت بما الذهب

تقبل مروري

اخوك

ناصر الذرفي

نهار الدحيلان

هلا بك وغلا

حياك الله بين اخوانك واخواتك في منتدى الجميع غرابيل

وعلى الرحب والسعه ..

مصافحة اولى رائعه قدمت لنا شاعر رائع سيمتعنا بما يخط

قلمة ان شاءالله

صح لسانك الى رضاك

كتبت فابدعت الله لايضرك

تقبل مروري

نهار الدحيلان

حياك الله..

تشرفنا بمصافحة الإبداع

ونص رائع.وقصيدة جزلة..


تقبل مروري والشكروالتقدير..

.

نهار الدحيلان

حياك الله..


جزل ولاهنت وبيض الله وجهك يالغالي



وحياك الله



دمت بخير


محمد بن نايف