ترفات المعاني

[poem=font="Simplified Arabic,5,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=1 line=0 align=center use=ex num="0,black"]
الشعر عطر وكل عطر(ن) يا بقى بالجسم فـاح = يفوح من ريحة جسد من صاغ من فكر(ن) نبيه
والشعر فن وللثقافه دور في وقت(ن) صحـاح = تحويرها بالفكر ماهـو مـن يبيـع ويشتريـه
وانا اليا مني بغيـت اقـرى ثقافـة جيـل راح = آخذ مفيد الهرج واحكـي قصتـه للـي يبيـه
فتحت صفحه من كتاب المنفلوطي يـوم بـاح = اسرار غاصت في كياني بين لا يمكـن وإيـه
وقريت كل كتابه اللي صار لـي أكبـر وشـاح = اليا انتهى موضوع قلت اللي يليه اللـي يليـه
لقيت باب الأشقياء الكل منهـم مـا استـراح = منهم عليل ولا يبـات وباخـر ايامـه سفيـه
واكبر دليل اللي حصل من حب عروه يوم طاح = في سحر عفرا يوم راحت يوم راحت من يديـه
ما باقي الا شالهـا خفـف ولا ضمـد جـراح = لامن شهق شهقة قهر شمه وخفف مـا يجيـه
واخذ سنه في هذي الحاله توجـد مـع صيـاح = ومن بعدها مات وترك همـه لمنهـو يرتجيـه
جاها الخبر قالو ترى بن حزام راحت به ريـاح = على فراقك يوم حال الوقت عن مـا يشتهيـه
استأذنت رجالهـا قالـت بسـوي لـه نيـاح = ابندبه دامه من اسبابي رحـل وابكـي عليـه
وقامت تصيح وتندبه أربـع ليالـي والصـراح = اللـي بيدهـا فكتـه للـي تبيـه وتهتـويـه
ماتت من الحره وماها به همـاج وبـه قـراح = ما باقي الا الحب يبقى دام مـن يذكـر نزيـه
قريت واسهبت القراءه لين جا وجـه الصبـاح = واشرت لخيوط الصباح العلـم بيـدك واكتبيـه
العلم نور وكل مـن نـادى وصـوت للفـلاح = لا بد ما نمشي معه لين نعـرف مـا يحتويـه
بعض البشر يضحك ولكن داخله سم(ن) ذحـاح = يوهمك فـي طيـب النوايـا والنوايـا تقتفيـه
يظهر لك انه يوم شافك في سرور وبانشـراح = وفي قلبه الاسود بقايا سـود الايـام تعصيـه
الصدق عنوان الوفـا يـوم الوفـا بيـن ولاح = من فوق ترفات المعاني فوق ضلع(ن) مانسيـه
المرجله تولد مع الرجال فـي أرض(ن) بـراح = فيها من اللي يرشده وان ضاع بالدرب يغويـه
هذي حروفي صغتها والشعـر قيـل بالمـراح = واطلال شعري باقيه والشعـر جزلـه يكتسيـه [/poem]

عبدالعزيز عبيد العدواني


كل الفخر في مصافحة الجزاله هنا وقصيدة فاخرة..

تشرفت بالمركزالاول ..في تلك البساتين الغناء..


تقبل شكري وتقديري

ومزيدا من التآلق..

العدواني عبد العزيز ,,,



صح لسانك ولا هنت يالغالي


قصيده جميله وفلسفة شاعر

عبدالعزيز عبيد العدواني

هلا بك وغلا

صح لسانك الى رضاك

وش اقول فيك يابو مشاري الله لايضرك

قصيدة نقلتنا الى عالم الجزاله المقرونه بالعذوبه

والبساطه بلمح البصر ..

قصيده فيها فكر و طرح سامي غلفها مخزون ثقافي جميل ...

شاعر رائع يالعداوني

تقبل مروري

.


العدواني


بيض الله وجهك ولاهنت



صح لسانك يالغالي وننتظر جديدك



دمت بخير



محمد بن نايف

مشرفتنا القديره / النوري



صح بدنك ولا هان وجدانك



لحضورك طابع خاص يرتقي بالمتصفح وصاحبه



شكري وتقديري

عبدالعزيز العدواني


صح قلبك وكلك


وسلمت اناملك


جزلة ومن شاعر جزل

تحيتي لك

[align=center]
عبدالعزيز العدواني
ـــــــــــــــــــــــــ ــــــ
صح لسانك واعتلا شانك

لاهنت يالغالي

تقبل شكري وودي !
ـــــــــــــــــــــــــ ــــــ
أخوكـ/خالد
[/align]