انا مع عودة نايف هزازي في ظل العقم الهجومي الحالي لدينا راح ينضبط مع بيتوركا زي غيره

السلام عليكم ورحمة الله وبركاته


انا حاب انضم الى بعض عقلاء جماهير الاتحاد ومع عضو الشرف فتيحي كذلك الذين طالبو بعودة الصقر نايف هزازي إلى بيته الاتحاد .

واحنا كلنا عارفين كيف العتارسه بقيادة عادل جرثوم كيف خرجوا نايف وكريري ونور من النادي بس الحمدالله انكشفت لعبتهم وانطردوا من النادي شر طرده لأنهم شوهوا صورة النادي محليا وخارجيا .


أما بالنسبة للناس اللي تقول نايف مو هداف ولاعب أقل من عادي وحق حواري ناس ما تفهم كورة ومندسة وما تبي مصلحة الكيان اذا لاعب منضم للمنتخب وحاليا مبدع مع الشباب وجايب أهداف حلوة وعنده صانعين العاب يضبطون له وغير كذا جايب أهداف بنفسه حلوة وشفنا كيف هدفه بالارجواي و يقول لك مو لاعب مين الفنان أجل ههههههه؟ ؟

طيب نجي لاخلاقه وانضباطه اول شي هو مو اللاعب السعودي الوحيد اللي انضباطه مو تمام عندكم أقرب مثال ناصر الشمراني هداف ومدري شنو وبالاخير شوفو أخلاقه في نهائي اسيا قبل كم يوم بالرياض ووش سوى ولا تنسوا منصور الحربي وحسين عبدالغني وابراهيم هزازي وياسر القحطاني وطبعا زمان كان في لاعبين كبار زي سامي والثنيان توقفوا عشان سوء سلوك فلا أحد يحط نايف برأسه ويقول مافي زيه بالمشاكل ترى أغلب لاعبينا ما عندهم وعي واحترافيه زي برى . بس شوفوا كيف جماهير الهلال كيف تدافع عن ياسر وناصر وشوفوا النصر كيف يدافع عن حسين رغم أن مستواهم الأخلاقي صفر ع الشمال بس عندهم إدارات قوية تضبطهم وهذا اللي موجود عندنا الموسم ذا متمثلا باسدنا أبو العنود ومافي خوف من نايف او غيره لو رجعوا لأنه إبراهيم موجود والصارم بيتوركا.*


طيب نجي للهجوم الاتحادي الحالي تتوقعون مختار وعبدالرحمن الغامدي بيجيبون لنا بطولات بمستواهم ذا مستحيل طبعا وخصوصا دحمي اشوف لاعب أخذ أكبر من حجمه كثير بعد كأس الملك ولا عاد شفنا شي منه خصوصا بالجولات الماضية ومختار مستواه بالنازل ورجع يطيح كثير ويدور بلنتيات زي السنة الماضية وهذا أكبر عيب عند المخ ترى مو كل الحكام تمشي عليهم واصلا حركات طيحني هذي مخصصة لسامي زمان انت العب وتحرك وشارك البرود اللي هو فيه ما ينفع ولازم بيتوركا يصعد مهاجمين من الأولمبي مختار ودحمي ما ينفعوا أو يتعاقد مع مهاجم اجنبي قناص بالشتوية.*

أخيرا : ترى عندنا إدارة قوية وعندنا مدرب عالمي وصارم ولو طلبوا نايف راح يعرفون كيف يتعاملون معه وأي لاعب يجيبوا الاتحاد سواء اتحادي سابق أو غيره ويخدم الفريق انا معهم ومع مطانيخنا .. أما بالنسبة للمندسين ومسوين حملات ع نايف وقبلها نور أحب اقولكم جمهور الاتحاد أكبر واوعى منكم ويعرف مين الصادق ومين الكاذب سواء مشجع أو عضو شرف أو صحفي .

اتمنى اللي يردوا يكونوا عقلاء غير مندفعين