لعل ذود

السلام عليكم ورحمة الله وبركاته هذه اولا مشاركه لي في هذا المنتدى الشامخ منتدى غرابيل

واتمنا ان تعجبكم




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لــعل ذودٍ مــا تــغبــق الــمســايــير=لـعلـها شـوار الـخمـيس إيـحصـدهـا

ولــعل غـمرٍ مـا يـحيـي الـمنـاعـير=لــعل عــينــه تــنعــمي مـن رمـدهـا

الـمرجـله يـبلـش بـها اللاش ويحير=والا الـبلـيهـي مـع رصيده رصدها

والـمرجـله دربٍ وعر به معاصير=والــلي مـشابـه لـلعـلى قـد صـعدهـا

وفالبل ثلاث حقوق يا جاهل الخير=وصــابـها الـمخـتار والـلي شـهدهـا

الاولـه لـلجـار وتـحلـب له اعصير=مـن قـبل لا تـخالـف ويـلهـج ولـدها

والـثانـيه لـضيـف حـشمـه وتـقديـر=وحــلبـله الـلي جـملـت مـن وجـدهـا

والــثالــثه لـعابـر سـبيـل ومـداويـر=لا تــنتــظر يـطلـبك حـالـي مـددهـا

يــعنــي تــظم الـبل بـكل الـمعـايـير=وفــعل مــثل الــجواد لا تــنتــقدهــا

والــختـم صـلوا عـد مـزنٍ مـزابـير=على النبي المبعوث محصي عددها[/poem]




وسلامتكم

الطويرش

هلا بك وغلا

عليكم السلام ورحمة الله وبركاته

حياك الله بين اخوانك واخواتك في منتدى الجميع غرابيل

وعلى الرحب والسعه ..

مصافحه اولى جميله وقصيده رائعه في البل عطايا الله ...

وفي حقوق الناس منها وفي طراة جنيها ...

جمل الله حالك وطيب الله فالك ..

كتبت فابدعت يالطويرش ..

لكن يالطويرش من شروط الكتابه في قسم النبط الكتابه

بااسم صريح للرجال ولاتقبل القصائد تحت اسم مستعار ..

لذا وجب نقلها لقسم شعراء المستقبل ..

نتمنى منك وانت شاعر بهذه الجزاله وهذا التمكن لو تفصح

عن اسمك الصريح ليتسنى لنا اعادة قصيدتك الى مكانها

الطبيعي ....

الاخ احمد مناحي الشمري بيض الله وجهك وصح الله بدنك

ولاكن كيف اعدل الاسم

ودمت سالم

الطويرش

هلا بك وغلا

يالغالي فقط سجل اسمك الصريح ...

وسيتم التغيير باذن الله ...

اكتب الاسم هنا خلال هذا المتصفح ...

وفق الله الجميع

ملاحظه

اتمنى من الاخوان مشرفين هذا القسم حذف الردود التي انتهى

الغرض منها في هذا المتصفح ..

بيض الله وجهك على اهتمامك على كل حال

اما بنسبه للسم : جفين شجاع الطويرش

وافضل الاختصار جفين الطويرش

وارجوا منك حذف هذه الرساله بذات بعد التعديل

وتقبل تحياتي ودمت سالم