اللي يخاويني على الطيب حياه ...!!!!

..

السلام عليكم ورحمة الله وبركاته


هذه القصيده نتواصل بها فالمنتدى الشامخ بأهله ,,

:icon_conf:icon_conf



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابداء وبسم اللي يشرف بمبداه=اللي خلق كل الأوادم من الطين

الواحد اللي فالزمن نطلب رضاه=مادامنا بالعمر باقين حيين

حنا فقارى دوم والرب مغناه=غني عنا لو ملكنا ملايين

إن كان مانرجيه وندور رضاه=عز الله إنا كلبونا مساكين

يالله جنت خلد ياطيب الجاه= مع الصحابه والرسل والنبين

اكتب وأوضح كل شيٍ درسناه=من آلف وأربع لين تسعه وعشرين

يقول من ميز حياته بدنياه=رجلٍ حكيم وشاعرٍ بالبراهين

إن الزمان أقصاه مايشبه أدناه=وإن العمر محدود لوهو بعد حين

لوفيه مخلوقٍ تعمر ذكرناه=مار الحقيقه يوم والناس ماشين

دنياك هاذي وضعها قد فهمناه=مابين حلو ومر والشين والزين

عشنا وشفنا وكل دربٍ مشيناه=مع كل خلق الله وحتى الموالين

شيٍ ربينا به وشيٍ عرفناه=من ناسٍ أكبر سن منا فهيمين

اللي يخاويني على الطيب حياه=يأخذ مواجيبه على الرأس والعين

إن مدلي بالكف يرجعله املاه=على الوفا عشنا وبنموت وافين

ومن صد قلنا يالعله مقفاه=مانطرده لونشكي الفقر والدين

الطيب الطيب ومبداي مبداه=إن كانها بالعسر وإن جات باللين

وألا الردي معثور والكل يشناه=وإليا مشى دربه من الشين للشين

مابين هالأثنين خصلت مساواه=مادام للميزان فالوقت كفين

ألا إن كان الذيب عود كما الشاه=والحر الأشقر عيشته بالمراحين

كذا بقول إن الزمن ثار فخباه=علمٍ له الصاحين ترجع مجانين

قولٍ بدعته ياهل العرف واحماه=واعيد ماقلته بوحده وثنتين

اللي يخاويني على الطيب حياه=يأخذ مواجيبه على الرأس والعين[/poem][/frame]

ناصر الجلاه

هلا بك وغلا

صح لسانك الى رضاك

قصيده رائعه وفيها من المعاني الكثير ..

مرجله وشيم وقيم ومبادئ وعلوم غانمين ..

وابشرك ان الذيب ذيب مايعود شاه ..

شاعر رائع الله لايضرك

تقبل مروري

ناصر الجلاه


الله عليك مبدع دائما وابداا قصيدة جزله الي ابعد الحدود


صح لساانك ياناصر ملاين

اللي يخاويني على الطيـب حيـاه
يأخذ مواجيبه على الرأس والعيـن


الله الله يا سلام عليــك ,,

ناصـر الجـلاه


صح لســاانك ,, جميــله كلمـاات القصيــده ..


الله يعطيــك العافيه !.

ناصر الجلاه,,

مرحبا بك وبما كتبت


قصيده جميله وصح لسانك ولا هنت

صح لسانك




صادق الود


وفائق التقدير

إن الزمان أقصاه مايشبـه أدنـاه=وإن العمر محدود لوهو بعد حيـن


صح لسانك أخوي ناصر مليون ويزيدون

قصيده جزله..راائعه..شامخه

ولكن هالبيت عن معلقه..لاهنت


سلمت روحك ودام بوحك’,,

..

أحمد الشمري

..


صح بدنكـ يابومناحي .. الرائع مروركـ ياأحمد اسعدني تصفحكـ الكريـــم

لاهنت

..

..

سعود السلمي

..

صح بدنكــ ياسعود .. الرائع تصفحكـ الكريــم

لاهنت

..

خوتك شرف ياناصر

وصح قلبك وكلك


وسلمت اناملك


جزل ومبدع دوما


تحيتي لك

ناصرالجلاه
صح لسانك وربي مبدع
تقبل صادق ودي ومتابعتي

وااااااااااااافي

..

الهيلا

..


صح بدنكـ يالغاااليه .. نورت الصفحه بإطرائكـ الجميل

سلمتي ولاهنتي

..

..

محمد ضاوي

..


الجزاله مروركـ الكريــم .. صح بدنكـ يالغااالي

لاهنت

..

..

علي الغامدي

..


صح بدنكـ أخوي .. شرفني مروركـ الكريـــم

لاهنت

..