شعر ياســــعود قلي علام الناس تبكيني

ياســــعــود قلي علام الناس تبكيني
وش شايفه وش جرا ياسعود علمني

اشــــــوف حتى الدكاتر ماتداويني
عـن التحــــــــاليـل علمني وطمني

كان المرض منتــــشر حذرا تخليني
لـوكان تبكي عليّ وخـــالـصن مني

اخذ الوصــــــــــيه طلبتك لاتبكيني
لامت بيـديـك غـســلـنــي و كـفـني

وعرف ترا من ســببكم كل مافيني
كل المرض والبلاوي اللـي توطني

وخلك مـــــع الثانيه ربي يجازيني
واذكرني بالخير لامن سولفو عني


شاعرة الاسى / نوره

وهنا رد الشاعره نوضى

نــوّارة َ الشعـر بسّـك لا تـونـّيني
يكفي خفوقي من الونّات مشغلني

مالك ومال الدكاتر ياخلف عيني
الشــافي الله إله الأنس والجنـّي

والله ماأخليك لين الروح تِخـْـليني
وإلا تصير المشايخ قِـدْمِـك تغنـّي

دمعي يغسلك ليامتّي على يديني
وأخشى ليامن جيْتْ بأدفنكْ أدفنّـي

لاتـوجعيني تـرى يكفيني مافيني
عين المواجع في هاللحظات خزّنـّي

أنتي الوحيــده ولاغيرتس يســليني
ولاغيرتس أحدٍ ركب ظنـّه على ظنـّي