ما حصل للجمهور في مباراة الاتحاد والخليج

بسم الله الرحمن الرحيم

بس حاب اوضح نقطه من اول كنت ابغى اقولها انا كنت حاضر مباراتنا مع الخليج في الجوهره
المهم وصلت الملعب بعد صلاة المغرب ورحت لشباك التذاكر تفجأت انه في جماهير كثيره جدا تتنظر وفقط شباكين من اصل 10 شباك للتذاكر المهم اخذت التذكره بعد وقوف لاكثر من ساعة
ورحت للبوابة الالكترونية حط التذكره حقي على البوابة والا البوابة ماتفتح قالي تذكرتك مزورة قلتله كيف مزورة انا دوبي شاريها ودافع فيها 30 ريال قالي الي اخذوا التذاكر من النت والي اخذوها من بدري اما الي اخذوها دحين ماتنفع المهم جلست اتخاصم معاها والاف الجماهير ززي واقفين عند البوابة بعد ما المباراة بدت لها 5 دقايق جانا حارس الامن وفك لنا البوابة وتدافعت الجماهير قلت في نفسي واضحة الحركة من اداراة الملعب يحشرونا عند البوابة ولما تبدا المباراة يجيبوا لنا حارس الامن يفك البوابة وهذا كله علشان بكره مباراة الاهلي والنصر ويبغون الاهلي يعدي الاتحاد في عدد الحضور الجماهيري اولها حشر الجمهور في شباكين للتذاكر
الثانية تعطيل البوابة اللالكترونية لانه عدد الجماهير يحتسب بعدد التذاكر الي تمر اوتكشط على البوابة المهم دخلت الملعب فل مافي الا فراغات خلف المرمى من الجهه الثانية فقط ورحت ابغى احشر نفسي مع الرابطة الا الرابطة فل ولا مكان فاضي وكذلك الواجهة وكان فيه جماهير كثيره واقفة خلف الكراسي على اطراف الملعب انا اجزم انهم لو جلسوا في الفراغات الي خلف المرمى لـ امتلئت بالكامل لكنهم فضلوا الوقوف على خلف الرابطة وخلف الواجهة على انهم يجلسوا خلف المرمى المهم انتظرت وفلت بشوف الفضيحة في الدقيقة 75 اعلنوا عدد الحضور 35 الف يعني واضحة جدا الملعب يتسع لـ 60 الف يعني لو حضروا 30 الف هيبان نص الملعب فاضي !!! واضح ان الجمهور تعدى في تلك المباراة حاجز 55 الف على الاقل
لكن خلاصة الي ابغى اقوله يا صناع القرار :
ان جمهور الاتحاد يحضر لانه اللاعب رقم1 ولانه يغير مجرىء المباراة بعكس جمهور الجار الي يحضر علشان يعدي جمهور الاتحاد

وياما حاربونا ويا ما طفشونا لكن نقولهم بدري عليكم
فمن ينسى مباراة الاتحاد والهلال 3-1 في الاسيوية عندما ارعب جمهورنا لاعبي الهلال بعدها با ايام اوقفوا المكبرات الصوتية

وفي الاخير المباراة القادمة مع هجر لابد من الحضور يا صناع القرار فانتم حاضرين لتغيير المباراة لصالحنا .