شعر الله وكـيــلك فـرقـــونا المقـــاريـد

بقلوبنا نبض آمتلى حب وإحساس
وحنا فـقــارى عاطفه يا مواعـيــد

نبغـى نحـب ومشكلتنا مع الناس
والثـانـيـه عــاداتنـا والتقــاليــد

في مجتمعنا الحب محفوف باليأس
وجهة نظـرهم عيب وبدون تعقيد

يا ذابحيـن الحـب ماهـو بنـوماس
وقلوبنا للحـب صارت شــواهـيـد

لا تذبحــون الحب وعروقه يباس
خلــوه يروا والضوامي مـواريــد

وخلو السهر بعيون من صابه نعاس
يرســـم على وجه الليالي تجـــاعيد

ويا جرح تدري إني إنســان حسّاس
وإذا انجرحت آجيب في نفسي العيد

من عقب ماهي مشاركتني بالأنفاس
الله وكـيــلك فـرقـــونا المقـــاريـد

هم جرعـوني لوعة الفقد بـالكــأس
وبكيت من حره على شـيخة الغيـد

ماكـنـنــا آخــر بـقــآيــــاه كـّرآس
مكتوب فـيـه الحب أصبح عنا قيد

كم لي أردد [ يا مواعيد ] لا بأس
وكم لي أغني يا مـواعيد وأعيـد

حسبي عليهم أحطبوا حبنا بفـأس
وقصوا غصون اشواقنا والعناقيد

إلى متى واشواقنا بين [ الاقواس ]
لــوعــه ودمعـه واحتضار وتناهيد

وإلى متى حنا ضحــايا لـ هالناس
وبحلـــوقنا غصة بقايا تقـــالـيــد

منقول