عـوده حـميــده!!!!!!!!

اتمنى ان تحوز هذه القصيده على رضاكم بعد عوده اتمنى ان تكون حميده ونتقبل النقد لاننا لم نأتي الى لتعلم وشكرا


[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ياشعري المكنون ماعاد فيني=كتمتك بصدري الين الزمن طال
حاولت أقاوم وحدتي في سنيني=عيت مقادير الزمن ترحم الحال
ياشعر تكفى لاتخيب ظنيني=قدم له ابياتي على كل الاحوال
يالله على شوفته يالله تعيني=احس شي بداخل الصدر ينهال
ضيقه مدري شي لاكن وديني=ان الجمال اللي طغا ماله امثال
حبه تعدى شوق قلبي وعيني=حبه ملكني صدق والله يارجال
خلاني ابكي من شقاي وحنيني=نزل دمعي كلها انواع واشكال
دايم يعاملني بجفا مايبيني= وانا خفوقي كله آمال بآمال
ياهوه يابنت الشقا طالعيني=تعبت من حبك ومن كثر الاهمال
يابنت في درب الهوى شاركيني=ماني بعايش حال وانتي على حال
قومي على كثر الغلا بايعيني=وانا ببايع خافقك دون اشكال
كذا تصافينا ولاتحسبيني =مثل الشباب اليوم خاين ومحتال
أكبر فخر لاجيتي تعاتبيني=لا ياسل ياشمس يانجم ياهلال
تدرين أغرب شي بينك وبيني= ان التناقض بيننا يبني آمال[/poem]

فهد الفقيري

عودا حميدا..

حياك الله..


يشرفني ان اصافح تلكـ الرائعة..

وارجو ان تسمح لي بتنسيق.طفيف..

وابيات تفوح بالجمال..

ومزيدا من التآلق..


لي عوده,,بإذن الله

فهد الفقيري

هلا بك وغلا

صح لسانك الى رضاك

اعجبني جدا ثقتك في نفسك وطلبك للنقد وهذا انا اعتبره

الخطوه الاولى في الطريق الصحيح وعلى هذا المنوال باذن

الله ستبلغ ماتريد ..

لا املك امكانيه النقد بمعنى النقد لانه كما هو معروف ان

للنقد اسس واليه معينه وانا لااعتبر نفسي ناقدا في اي

شكل من الاشكال وللنقد اهله الذين هم اعلم به مني لكني

سااقدم لك بعض الملاحظات فقط اتمنى ان يتسع لها صدرك .


ضيقه مدري شي لاكن ودينـي
ان الجمال اللي طغا ماله امثـال

هذا البيت مكسور والمشكله في الصدر ..

ثم ان هناك خطا فادح في كلمة ( وديني ) انت هنا تقسم

بالدين ولايجوز الحلف بغير الله ..

الله سبحانه تعالي رب والدين الاسلام ..

خلاني ابكي من شقاي وحنينـي
نزل دمعي كلها انـواع واشكـال

هذا البيت مكسور والمشكله في العجز ولو انك استبدلت

كلمة (دمعي ) بكلمة ( دموعي ) لكان افضل ..

قد تكون كنت تريد ان تكتب :

نزل دموعي كلها انواع واشكال ..

لكن اخطاءت في كلمة دموعي وكتبتها دمعي ..

دايـم يعاملنـي بجفـا مايبينـي
وانا خفوقي كلـه آمـال بآمـال

حرف الباء في كلمة ( بجفا ) في صدر هذا البيت زايد ..

قومي على كثر الغـلا بايعينـي
وانا ببايع خافقـك دون اشكـال

هذا البيت مكسور والمشكله في العجز لو انك قلت :

وانا ببايع خافقك مابه اشكال.

لكان افضل للوزن ...

أكبـر فخـر لاجيتـي تعاتبينـي
لا ياسل ياشمس يانجـم يهـلال

لم افهم ايش تعنى كلمة ( لا ياسل ) ربما يكون هناك خطا

حدث اثناء الكتابه ولكن على هذا الشكل البيت مكسور

والكلمه غير مفهومه ..

تدرين أغرب شي بينك وبينـي
ان التناقض بيننـا يبنـي آمـال

هذا البيت لانقول مكسور ولكن في الصدر ثقل الى درجة

كبيره ..

انا هنا تكلمت عن الاخطاء فقط لم اتطرق للقصيده كامله

رغم وجود بعض الركاكه في بعض الابيات ثم ان هناك ابيات

رائعه في القصيده وافكار جميله اعجبتني ....

كلنا نخطئ ومافي الخطا عيب ولكن العيب في المكابره

والاسمتمرار في الخطا ..

وكلنا هنا نبحث عن الاستفاده وزيادة الاطلاع ..

تقبل مروري

صح لسانك ..
قصيده رائعه وأستمر ..