شركة مساج التخسيس والرياضة خدمة منزلية

السلام عليكم يابنات
تجربتي مع شركة شوقر فتنس الي عندهم اكاونت
بالانستقرام واي احد يعلق تعليق ماعجبهم يحطوله بلوك
عشان لحد يتحبط وكل الردود تشجع وتحمس وتعليقات
البنات الي بالانستقرام كلها مدح
كللله كلام بالهوا
الي حابة تشترك معاهم، نصيحة عن تجربة والله شاهد على كلامي
نصابين، اشتركت ودفعت عربون 130 من اصل 250 دينار ل 12 جلسة رياضة
وماقامو يردون علي عقبها
وقبل موعدي معاهم دزيت مسج قلتلهم ردو عربوني اذا بدايتكم جذي ماكو اهتمام
وبلشت اول جلسةغلط كنت طالبة رياضة ويولي مساج والموعد الي بعده عدلو غلطتهم اخذت بالضبط 4 جلسات من اصل 12 بالخناق طبعا ، وكل جلسة باسبوع يعني مااستفدت شي، وكل يوم اتخانق معاهم ومابردون علي الا اذا دقيت من خط غير خطي! مااطول عليكم وايد تعبت معاهم نفسيا وكله يقولولي راح يدق عليج المسؤول ومحد دق ليمن هددت بالمباحث الالكترونية دق مسؤولهم نفس اليوم، شهر كامل نكلم صاحب الشركة وعايلته من العوائل المعروفة بالكويت، وكان يماطل وايد والحمدلله رديت فلوسي بمساعدة زوجي عقب شهر بالضبط
يقولون مكتبهم بالصالحية والصج ان مكتبهم عبارة عن شقة بدون اسم باحد عمارات شارع بن خلدون
الحذر يابنات مو كل شي تشوفونه بالانستقرام تتحمسون حقه وتصدقونه ترا كله نصب بنصب

(والله على مااقوله شهيد)
اسفة على الاطالة
وتقبلو مروري