شعر افلح يافالح

الفلاح بذكر ربك يالفهيم
احمد الله واشكره واطلب رضاه
والفلاح البعد عن درب الرجيم
ومن تعوّذ زان درب ٍ قد مشاه
والفلاح الأم درب(ن) للنعيم
ومن يبر الأم يسعد بالحياه
والفلاح بوالدك خلك حشيم
وابتعد يالقرم عن درب العصاه
والفلاح تقدّر الرجل الحشيم
والخبل معتوه ويهيم ابرداه
والفلاح بمسحة دموع اليتيم
قالها محمد عليه ازكى صلاه
والفلاح تقدر الشخص الكريم
والبخيل بدنيته مااحد ٍ بغاه
والفلاح يكون دربك مستقيم
والأمانة بالبشر طوق النجاه
والفلاح يكون بالقلب السليم
تبعد الأحقاد ماتسمع وشاه
والفلاح استغفر الفرد الكريم
مايخيّب ربنا عبد ٍ نصاه
والفلاح بحفظك الركن العظيم
الصلاه ثم الصلاه ثم الصلاه