(غلطت خبل)

سفهت راع النقد يافاشل النقد
ياعنك ماني تابعن كل منقود

اهل الحسد والبغض لاوالله الحقد
ماني بحاسب له ولا هوب معدود

لانه بجزل الشعر مايمتلك عقد
وأن عدو اهل العرف منفي ومفقود

كنه على نارن سناها توقد
شرواه منه الناس ما تاخذ الفود

لابالله الا ماهوب بكفون وقد
شعرن من الابحار مرهي ومشهود

اليابغيت الشعر يابوك تفقد
تفقد طناخت راس ياجاهل الجود

شفت النجوم المنوره كيف ترقد
اليا طلع نور الصبح مالها وجود

يهمني لاصار شاعر وينقد
وستقبل المنقود من دون منقود

المشكله تلميذ عرفه معقد
مهوب في نقد الشواعير معهود

أن كانهي بالعرف نارن توقد
وان كانهي وهبه فاانا قودها قود

وختامها ماعاش من يحمل الحقد
لو كان يملك فلسفه مابها فود


(بن نميان)

بن نميان ..
صح لسانك ولاهنت

عندي ملاحظه لاهنت حول قافية الشطر الاول لو كانت كلها قاف ساكن ودال كانت اجمل

صح بدنك يامحمد وملاحضتك جميله بس ماعاد اقدر اعدل بعد نزلتها تحياتي لك