كل(ن) يلد النظر في دار زايد

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يافهد لن كان تنشد عن جديدي = إسمع آخر ماكتبته من قصايد
مثل ما احمى سمعتي حامي قصيدي = لا يجي فيه الحكي ناقص وزايد
يوم قال الحر للعبد أنت سيدي = ما خضعت الراس طامع في فوايد
عزتي عن دربها وشلون احيدي = لجل أصوّر في قناه وفي جرايد
الكرامه في حياتي هي رصيدي = لا ولا أكب المذاهب والعوايد
دوم أضد اللي يضدّون الضديدي = وقفتي تنشاف في وقت الشدايد
أعرف امْن اضد واعرف من نديدي = واترك اللي ما يضدّون الضدايد
ما اذكر انّي فى الزمن نافست زيدي = لا ولا نافست لابست القلايد
اتفكّر فى القريب وفى البعيدي= كل(ن) يلد النظر فى دار زايد
آه واغبني ولكن ويش بيدي = يوم شفت الظلم فى اهل الحق سايد
يافهد دمّي تجمّد في وريدي = والغباين نارها فيني وقايد
يوم طاح الحر بيدين العبيدي= اظلموه وصار جرح القلب كايد
بعد ما الشمس اسطعت ذاب الجليدي=واتضح للعين حسْد اهل الحسايد
جات للحاقد على ماهو يريدي = وثار عج الكره مع عج الحقايد
والجزا يلقونه اليوم الشديدي = عند رب الكون حلاّل العقايد
الجمل بالعون داحم كل حيدي = واشهد انّه من وسيعين البنايد
وياسعودي لا تزيد ولا تعيدي = مع مثل شروى هذولي ما انت فايد
من وصلهم مالقى نفعه وفيدي= مثل ماراح امس جاك اليوم عايد
الله انّه يلعن القلب البليدي= ولعن ابو روس(ن) تهنّى بالوسايد
بعد هذي لا تحرْون المزيدي = لا يجي منكم لهم باني وشايد
كلّنا ندري عن العلم الاكيدي = السعودي طيب ولاّ غصب رايد
ما يصيد الهيّنه لا جا يصيدي = مايصيد ألاّ الفريدات الشرايد
ذيب مايدري عن خوار الهريدي = الوكايد يا مدوّرة الوكايد
فى المواقف دايم(ن) راسه عنيدي= لو بغيت اتهايده صعب ايتهايد
قلبه اللي فى الصدر مثل الحديدي =سعْد من كان السعودي له سنايد
فى العطا ما والله يمد الزهيدي = مدّته تغنيلها شعوب وبدايد
شامخ بعزّه من العصر التليدي =دوم قسمه فى الزمن بيض الشهايد
وكان يالشاعر تبى الراي السديدي= لا احد يقودك وخلّك دوم قايد
يافطين القلب والعقل الرشيدي = لا تظلّي طعم صيد بكف صايد
عزتك عن دربها حذرى تحيدي = لا توطي راسك إلـ ناقص وزايد[/poem]

[align=center]
فواز الشهيب
ـــــــــــــــــــــــــ ــــــ
صح لسانك وصحت أبداانك

لاهنت يا فواز

قصيدة رائعة وجميلة

أشكرك جزيل الشكر
ـــــــــــــــــــــــــ ــــــ
أخوكـ/خالد
[/align]

فواز الشهيب

قصيدة ثلاثينيه فيها كل الجزاله والاصاله الشعرية وماهي غريبه عليك دايم قصايدك كذا

صح لسانك وسجلني من المتابعين لجديدك

خالد

مرورك شرف يالغالي

لك كل الشكر

اخوووووووووووك

.

فواز الشهيب


.


الله الله


صح لسانك ولاهنت



وبيض الله وجهك




دمت بخير



محمد بن نايف

المسيلي

شاكر لك مرورك العذب

اخوووووووووووووك

فواز الشهيب



نص شاهق لا يكتبه الا الكبار امثالك


صح كلك ولا هنت


كن بخير

محمدنايف

مرورك فخر يالغالي

اخوووووووووووك

المها

مرورك عطّر زوايا متصفحي

لك كل الشكر

اخووووووووووووك