ياليت للخافق عن الشوق مجلاز
[poem=font="Simplified Arabic,6,white,normal,italic" bkcolor="black" bkimage="" border="double,9,sienna" type=2 line=0 align=center use=ex num="0,black"]
يالـيـت للخـافـق عـن الــشـوق مجـلاز=يمنع هـمومن ذقـت منها الـلـعـاويز
من صاحبن رمشـه طـعـن قـلب فـواز=يـرسـل رمـاحـه للـضمـايـر مجـاويز
ويلعب على الخافق تقـل لـعـب جـنباز=يضحك ويرسل لي من الغيظ تعـويز
ســوى بـنــا نـكــبـة مـشــرف لــنــواز=عـقـب المشاوي صار ياكل مطازيز
تسري هجوسه من ورى شط الاهواز=وتـشفـط معـاليـقي بروس البراويز
خـلـت لهـيـب الجوف شيحن على قاز=والا جـحـيـم الـفـرن عـنـد الخـبـابيز
حاولت اجـوز وداعي العـشـق ماجاز=صعـبــن يخـلـي ناعـمـات الـبـزابيـز
وجـاهـا كـلام الـلـي لـلاجــواد هـمــاز=واغـلـق بوجـهـي واسعات الدراويز
طـاوع هـروج الـلـي لـلاعـراض نباز=واصدر بنا حكم السهر دون تميـيز
والـعــذر عــنــا خـافـي مـثـل الالـغــاز=ومحدن يسـافر دون شاره وتفـيـيـز
مرفوض في فتوى المشايخ وابن باز=والـظـلـم ماله عـنـد الاجـواد تعزيز
هجـره رماني في طـواريـق الاعـجاز=دلا يركـز طـعــنـة الجــوف تـركـيـز
شاف الحشى لعـيـون الاحباب معـتاز=وعـاف الغرام وحـط قـفـل ومجـاليز
ولو كان طـبعي مع هل الغـدر منحاز=خـلـيـت حـاجـات الـضـمـاير مناجـيز
اللي ذبحـنـي فـي رهـيـفـات الاجـنـاز=وصـدرن تـتــكـه ناعـمـات الـبـلالـيز
تـشـكي غـثى ردفـن مع المشي هزاز=يـودع خــرز ثـوبـه وراهـا مـنـاقـيـز
شـالـت خـفــوقن قـام يمـشـي بعــكـاز=وتجـدع ورى فــواز عـشـرة فواويز
بالوصف زوله يـشـبـه الحـور بأيجاز=وتلـبـس ثـيــابـن زاهـيـاتـن مـطـاريز
من يوم شـفـت الـزيـن بالسوق مجتاز=صارت عـيـوني في عـيـونه مغاريز
كـن الـنــواظــر مـن غـنـاديـر شـيـراز=وعن لاهب الجـوزاء سكن بالدهاليز
عـيـن اشـقـرن مع شوفة الصيـد نزاز=بكـفـوف شـيخـن من ثـقـال المراويز
ماضاع وســط الـعــمــر لـلـمـال كـنــاز=يعـطـي ويغـنـي لـه نـفـوسن معـاويز
والـعــطــر فــايـح واردن عــنـد قــزاز=لا فـاح زادت بالخــفــوق الـمـرامـيـز
جـسـمـن وتقـديـره مـع الـبـيض ممتاز=ولا ضاحـكـت غـيـره بكـثـر المغـاميز
حـبـه خـرز وسـط الـضـمـايـر بمخـراز=ونوافـذي عـن شـوف غـيـره مقـازيز
لو تعـتــبــر جــرحــه لـنـا فخر وانجـاز=نرضـى بجـرح الـلـي نهـوده مـبـاريز
دونــه رجــالــن ماتــقــارب وتــنــهــاز=وحــظ عـثــورن ضـاري بالـمـقـامـيـز
يطـرد فــرح قـلـبـي بـشـيـنـات الابـواز=ويبحـث لـغـيـظـي كـاويـات الـمهـاميـز
يسـقـيـن مـن غـيــظ الـلـيـالي بالاكـواز=وان ضقت زاد الغـيـظ خـمسة قلاويز
خـلا الخـفـوق لـطـايـر الـغـبــن مـغـزاز=ورماح جـرحـه بالـضـمـايـر مراكـيـز
مـتــى يـغادر فــي سـريـعــات الابـنــاز=اللي فـلــوسـه عـنــد خـشـمـه مقـاريز
وارتاح مع ناسـن حـبـيــبــيــن وعـزاز=وتنهـض عـظـامـن طـايحاتـن معاجـيز
ويـفـوز قــلــبــن بـاول العـمــر ما فــاز=مع عـنــدلــن تكـشـخ بـزيـن الفواريز[/poem]
إعادة : ياليت للخافق عن الشوق مجلاز
[align=center]
فواز الغسلان
ـــــــــــــــــــــــــ ــــــ
يعطيك العافية أخوي
وصح لسانك وقلبك على الصورة الإبداعية
ولاهنت
دمت بهذا التوهج
ـــــــــــــــــــــــــ ــــــ
أخوكـ/خالد
[/align]
إعادة : ياليت للخافق عن الشوق مجلاز
ابو فهد
ياااااااااااااااهلااااااا ا بك ملااايين
وياااااهلا بشعرك الذي يتمتع بالجزاااااله
صح لسااانك يا بو فهد
هنا اسجل حضوري و متابعتي لك من زماااااااااااان
دمت عملاااق كما عرفتك
......
إعادة : ياليت للخافق عن الشوق مجلاز
فواز الغسلان
هلا بك وغلا
حياك الله بين اخوانك واخواتك في منتدى الجميع غرابيل .
حللت اهلا ووطئت سهلا ..
سعيدين بانضمامك لنا عسى ان تطيب لك الاقامه بينا ..
مصافحه اولى رائعه ..
غزليه من النوع الفريد جمعت كل جميل ..
ستجبرنا على انتظار القادم من الان
فلا تبخل علينا
تقبل مروري
رد: ياليت للخافق عن الشوق مجلاز
[align=center]فواز
صح لساانك ولاهنت
رائعه ومتميزه
تقبل مرووري [/align]
