مشكلة بالانف بعد عملية الانحرااف

السلام عليكم ورحمة الله وبركاته

باركولي اخيرا تفعل اليوزر ههههه من زمان ابي اشكيلكم مشكلتي

وجزاها الله خير اللي بتساعدني بدعاء او نصيحه



من 8 سنوات تقريبا سويت عمليه انحراف ولحميات ! عند دكتور لبناني زائر عندنا فدبي !

المهم العمليه متعبه واحس ندمت سويتها او يومين منها هلاك !!!


طافت السنوات وقبل سنتين يمكن حسيت بعوار بخشمي .. سويت اشعه تبين من خلال الاشعه انه فيني مثل الانتفاخ الهوائي .. طنشت



لكن الصدمه ! لما رحت عند دكتور من كمن شهر كنت اشكو من الزكام ! شاف خشمي وقال واضحه العمليه الفاشله جدا ! وخرملك الحاجز الانفي و الانحراف رجع


قعدت أصيـــــــــــح يا بنات ! مستحيل كيف يعني خرم ! طبعا يقصد ثقب فالحاجز الانفي !
راجعت دكتور اختصاصي فمستشفى معروف ! قالي تتحملين الم هالثقب قلت له عادي لأنه مو دايم ! قالي ما اقدر ادخلج عمليات على هذا ! اخاف بدل لا اسده ازيده واكبره !



يعني لاحظو يا بنات كلام الدكاتره عكس اللي طلع فالاشعه !


أنا كشكل انف ! الحمدلله راضيه بخلقة ربي لكن لما تكون في اضاءة خافته واشوف ويهي بالمرايه ! احس جهه من خشمي مايله شوي شي بسيط جدا مثل النقطه .. حتى اقول في نفسي هل يا ترى الثقب ضاغط على جانب من الحاجز الانفي جذى مسوي فيه !


والله احترت ! أنا شفت في مواقع اجنبيه ان الثقب ينسد عادي بس مادري بالضبط شفيني ! أنا وايد خايفه يكبر ويتآكل الخشم بعيد الشر ..


ولو فرضنا حصلت دكتور يسده مثل حسام فوده ! أنا وايد خايفه من التخدير وايد !!

الخشم بروحه عمليته مؤلمه كيف بألم التخدير شي لا يطاق بصراحه !!


احد سمع او مرت عليه حاله مثل حالتي ! لاني اتمنى اتعالج ولو يكون البنج موضعي بعد احسن اخاف من العام خلاص تعقدت منه. .. وانحبط لما اقرى ان في دكاتره يقولون تعايشو معاه ! :(