يدور الزمان وكل عام لنا يعود (#للعيد_فرحه)
#للعيد_فرحه
يدُور الزّمان.. وكل عامٍ لنا يعود
وبالعام عيدَينٍ لنا.. ونتعايد
يقلّ العمر.. لو انه ايّامه تزود
عسى ما نقدّم فالموازين زايد
وللعيد فرحه وابتسامات وورود
بها نلتقي بالناس صدْقْ وعوايد
نقُول الصّراحه قَول وللفعل مقصود
كلامٍ جميل.. وننظمه فالقصايد
سلامي لكم.. والود ماهو بمحدود
سلامٍ يعم السّامعين السّنايد
في بيت المضيف اللي دَعَا الكل ويجود
حَمَد الخنيفر.. والكرم فيه جايد
جمعنا بهالمجلس، وهو عِيد مَع عُود
نفُوس الرّجال اتطيب والطّيب سايد
ولي مَوقفٍ مع غايب الجَمْع مشهود
يا حر الغِيَاب اللي على الكَبد كايد
فقدنا حضُور البَعض.. والكلّ مفقود
مااحَد عن طريق المَوت منفي وحايد
عسى الله يبلغنا بهُم يَوم موعود
وكلّن على الجنّه شفوقٍ ورايد
#بندر_الخنيفر#Bandar_Habob
