فار دمّي .. مثل غيري .. فار دمّي ..

هذه القصيدة إجتماعية .. أتكلم فيها بـ/ لسان خريج الثانوية العامة .. والباحثين عن الوظايف .. لعلها أن تنال ولو بالقليل من رضائكم ..




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

يا قصيدي .. لا زهمتك ما تونـّا= كل ما ناديت لك .. جيت إمتحمّي
تفرج الضيقات .. عن صدر ٍ معنّا = أنت بوحي لا شعرت بزود همّـي
فيك أعبّر عن شعـور ٍ مستكنـا = من ورى حدب الضلوع إلها ملمّي
يا رسالة صادقـة .. ذوق ٍ وفنّـا = إشرحي ..عن كل كيف وكل كمّي
لوعتي قد ذاقها .. غيري و ونّـا = فار دمّي ..مثل غيري فار دمّـي
راح عمري .. فالدراسة وأتمنّـا = للشهادة .. والوظيفه .. مستهمّي
وراحت أحلامي سُـدى ماحققنّـا = والشهادة عقبها .. مزتاد غمّـي
أطرق البيبـان .. لكـن صككنّـا = والوعايد .. كلبوهـا .. ماتتمّـي
بين حرف الواو والمحسوب منّـا = تستدير الروس .. ماحد ٍ لد يمّي
لا متى نصبر .. ولاحد ٍ سال عنّا = بين جدران أربعة .. بكم ٍ وصمّي
ليتني .. يابوي أنا سـوّاق دنّـا = وليت ما درستني .. وأصير امّي
يالله اللي خالـق ٍ إنـس ٍ وجنّـا = بين كاف ونون كل أمـر ٍ يتمّـي
كل ما ضاقت علينا .. لـك زبنّـا = أنته اللي .. تفرج الأمر المطمّـي
ويابو متعب ..عزنّا قايـد وطنّـا = لادعيت الشعب .. كله قال سمّـي
ياحبيب الشعب كل الشعـب غنّـا = عاش ابو متعب عسى خيره يعمّي
ما تخيّب طال عمرك مـن تعنّـا = خيرك وفضلك على العربان عمّي
البطالـه حلهـا عنـدك .. مثنّـا = والأمل فالله .. ثم فيكم .. يتمّـي [/poem]

الله يعينهم


وصح لـ سانكـ يا الغالي على الرساله



وننتظر تواصل ابداعك


تحيه عطره


محمد الدغيري

.


الله الله



الشاعر : محمد العريدي


جزله يالغالي عسى الله يوفق العاطلين ويرزقهم ..

موضوع رائع وقافيه اجمل والله يعطيك العافيه ..



صــح لــســأأأأنك لاهنت



دمت بخير


محمد بن نايف

الله الله يامحمد

صح قلبك وكلك

وسلمت اناملك


تحيتي لك

محمد العريدي

هلا بك وغلا

صح لسانك الى رضاك

قصيده رائعه تحاكي واقع شريحه كبيره من مجتمعنا وحال

الكثيرين من شبابنا كان الله في عونهم .....

الفرج عند الله قريب ثم ابو متعب مايقصر ...

تزين ان شاءالله ويطيب الحال ...

تقبل مروري

ليتني .. يابوي أنا سـوّاق دنّـا
.......... وليت ما درستني .. وأصير امّي


صح لسانك يامحمد وعسى الله يوفق جميع المسلمين للخير


لكن ترى سواقين الدنان يكسبون ذهب وحلال ولا تعيب

والامر الثاني التعليم ماهو عشان الوظيفه

التعليم حمايه من الجهل وبناء للفكر

وصدقني ماهو خساره ابد

صح لسانك يامحمد مره ثانيه ولا هنت

اقتباس:

---

المشاركة الأصلية كتبت بواسطة محمد الدغيري

الله يعينهم


وصح لـ سانكـ يا الغالي على الرساله



وننتظر تواصل ابداعك


تحيه عطره


محمد الدغيري

---

محمد الدغيري


صح بدنك .. ولاهنت على مرورك ..

[align=center] محمد

صح لساانك مليون ولايسدون

على هالرائعه اللي لامست نفوس الكثير

لوعتي قد ذاقها .. غيري و ونّـا
فار دمّي ..مثل غيري فار دمّـي
راح عمري .. فالدراسة وأتمنّـا
للشهادة .. والوظيفه .. مستهمّي
وراحت أحلامي سُـدى ماحققنّـا
والشهادة عقبها .. مزتاد غمّـي
أطرق البيبـان .. لكـن صككنّـا
والوعايد .. كلبوهـا .. ماتتمّـي
بين حرف الواو والمحسوب منّـا
تستدير الروس .. ماحد ٍ لد يمّي


ابدعت وامتعت

اطيب تحيه[/align]

حبيبي صح لسانك إلا رضاك




روعه رغم الحسره





ربي يفرّج همك




اكثر من الاستغفار



تأتيك الدنيا منصاعه