اصحوا يا هل النجدية الصنف .. وقفوا الظلم
اغنام - ابل - دواجن - طيور
تحيه طيبه تحية الاسلام السلام عليكم ورحمة الله وبركاته وبعد
وش معنى النجديه اللي كل واحد يدخلها هاوي صنف من المبتدئين يذمه ويتذمر بعكس غيرها من الأنعام ؟
لأن أغلبهم يقني عن طريق المنتدى من شان التعريف يحسب ان التعريف بيضيف شي للسلعه حتى لو كانت ماهي صنف
دخلت منتدى بيع النعيمي لقيت مافي احد كاتب صنف الا للصنف ولا احد كاتب خصم الا للخصم فعلا
دخلت العارضي كذلك وغيره
أما النجدي تلقى لك وحد كاتب ناااادر وخصصصصصم وخرااااااااافي ورخال مطيرات نوم وهي ذبايح ادخل ملتقى بيع النجدي وتعرفهم
مرفعين في سلع ماهيب لم الزين والسبب ان الناس تخجل تنبهم وتمادوا على اساس محد يتوقع انه حسد او غيره لا يا جماعه... الحق المفروض
ما احد يزعل منه .
التعريف يا اخواني المبتدئين ماتنظر له الا اذا تمت الدابشه بـ70 في الميه من مواصفات الجمال واهم شي الجسم وشكله
هل هو ممتد متناسق ماهوب متجمع منبت الرقبه كيف جاي والوقفه آخر شي تفكر يه في النجديه هو الوجهه ( الراس) بخلاف الانواع الاخرى من الانعام
لأن النجديه وجه بدون تناسق ولا جرم ولا سراد بس غزول وشعره خشنه لا تقنيها كانك تبي صنف لاحظ لأن هواة النجديه يدخلونها حب ماهو تجارة فقط واللي يحب الشي
يحب يشوفه بأحلى صوره وهيئه اما اللي يبي يدخلها لحم وتربيه عليك بالجرم والفطحه
هذا ما بغيت اقوله واسأل الله للناس الخير والله من وراء القصد
hwp,h dh ig hgk[]dm hgwkt >> ,rt,h hg/gl
