-
》》/^ الشدايد والفقر ^/《《
اغنام - ابل - دواجن - طيور
الشدايد والفقر محرجتني بالجميل
علمتني صادق الناس من كذابها
علمتني كيف اعدي الحزن في كل ليل
لو تحدتني السعاده وصكت بابها
علمتني كيف اميز هل الشبر الطويل
من رجاجيلن تعرت وهي بثيابها
علمتني ان الشلي خيل تسمع له صهيل
في نظر من يحشم لحا العرب واشنابها
علمتني حكمة الصمت لازاد النقيل
والمشاكل كثر الاقوال نص اسبابها
وعلمتني ان عزة النفس جنبية اصيل
والمذله عار يافاتحين ابوابها
علمتني ان الخوي الذرب كالسيف الصقيل
من يبدل خوة الجيد نفسه عابها
علمتني ببن عمي ، بأن ماله مثيل
وان عزاز القوم تطنخ بروس اقرابها
عزتي للي يدور لبن عمه بديل
يدهج بوادي الضعافه وطاع كلابها
ياوجودي وجد شجعان قاتلهم ذليل
احتزم له بالخيانه وسل احرابها
وياوجودي لااصبح الدمع من عيني يسيل
لجل ناسن ماتقدر ظروف اصحابها
اشهد ان الخوه انواع والوقفه دليل
والصراحه بين الاصحاب كل اطبابها
والمجامل يخلط السم بين السلسبيل
في مواقف كلمة الحق تبغى اعرابها
واشهد ان بعض القرايب ترد الراس ذيل
حدني ربي عليها وانا مالي بها
والرداء واهل الرداء والدراهم والذليل
والله اني لااندفن ماحسبت حسابها
وبندق الرجال الأخلاق فالرجل النبيل
لايحط الرجل نفسه على ضرابها
والزمن ماهو مربع ولاهو مستطيل
الزمن دوار والناس هي بكتابها
》》L^ hga]hd] ,hgtrv ^L《《
