حيرني التيس .. خبرتكم يا اهل الخبرة

اغنام - ابل - دواجن - طيور

حيرني التيس .. خبرتكم يا اهل الخبرة


السلام عليكم ورةحمة الله وبركاته
يا جماعة الخير شريت لي قبل شهرين تيس غاالي عمره حول الست شهور لكن وضعه ما يطمن
بعد ما شريته باسبوع ضعف .. وانعزل عن باقي التيوس (انا عازل اربع تيوس مع بعض لتفحيلها ) ووقفته بدا يوضح فيها التعب(راسه نازل وذنبه نازل وفمه ابيض)
وصف لي الدكتور علاجين
خافض حرارة analginعضل 3 سم عضل + مضاد avitryl 10 تحت الجلد 3سم
لمدة ثلاث ايام

والحمدلله تحسن حاله بعد الثلاث ايام واخذ له حول اسبوعين نشيط .. لكن من يوم جبته وانا اشوفه ماهو مثل باقي التيوس .. اكله بسيط(كنه اكل صخل توه ياكل ) يجي مع التيوس للمعلف ولا يرفع راسه عن الاكل لكن الكمية اللي ياكلها بسيطة جدا .. الشعير كنه ياكل على حبه حبه .. والبرسيم كذلك
جسمه في ضعف مستمر علما باني شريته مستصح وقبل كم اسبوع تعب مرة ثانية وصار فمه ابيض وعطيته مضاد limoxin-100 عضل 3سم لمدة ثلاث ايام .. وتحسن نشاط التيس اسبوعين تقريبا واليوم اشوفه منعزل عن الحلال

تكفون شوفوا لي حل مع ذا التيس .. التيس غالي بالحيل الله لا يخسرنا
انا اعتقد لو ياكل مثل باقي التيوس تنحل المشكلة بس مدري وش فيه

المصدر: منـتـديات أغـــنـام - من قسم: افكار وحلول وآراء مربي الحلال

pdvkd hgjds >> ofvj;l dh hig hgofvm