قصة حريق بأحد قاعات الافراح ( مواقف عاشتها انسانه ) و ربي ستر عليها (منقول )
بسم الله الرحمن الرحيم
السلام عليكم ورحمة الله وبركاته <<< رد السلام واجب
اولا : اشكر كل من يدخل على موضوعي واتمنى منكم الرد حتى لوبدعوه الله يجزاكم الف خير
ابدأ لكم بالسالفه على طول ,,,
في يوم من الايام اتصلت علي قريبتي وطلبت مني ان اروح معها لزواج ناس يخصونها مع اني ما اعرفهم وانا عاد ماصدقت <<<احب الزواجات الله يكفينا الشر ,,,
طبعا بالبداية المعزب كان رافض بتاتا اني اروح بحكم التصوير وناس ماتعرفينهم ومن هالقصص <<< تعرفونهم عاد ,,
وبعد ما دخلت الواسطة بيننا اقتنع ووافق وطبعا رحت اجهز اغراضي الفستان و ... و .... تعرفونها تجهيزات الزواجات ,,,
وطبعا لازم اروح للمشغل ومن هالشغلات بعد اذان المغرب كنت على سنقة عشره وقبل ما اروح نزلت اولادي عند اختي <<< الحمدلله اني ما اخذتهم ربي ستر ,,,
مرتني قريبتي اللي بتاخذني ورحنا الزواج وكان عددنا 7 وكان المشوار للقاعه 10 دقائق تقريبآ دخلنا ونزلنا العبايات عند الريسبشن ,,,
ولفت نظري استقبال أهل العرس لنا كان رااقي جدآ وضيفونا على الطاولة المحجوزة لنا من قبل ,,,
جلسنا سوالف وضحك وتعارف هذي فلانة وهذي بنت فلان وهذي المعلمه بالمدرسة الفلانية وذي مديرتها ومن السوالف ذي............. ,,,
بدت مراسم الزواج بشكل رسمي بعد العشاء وما شاء الله على الزواج كان شيء إستقبال وتقديمات وحركات وترتيبات <<< شكلها عين وصابتهم ,,,
بدأ الطق والرقص والفرفشة والوناسة ورقصنا وانبسطنا والقصر كان مزحووم بالمرره وعلى فكرة الحمدلله اني كنت قاريه الاذكار ومحصنه نفسي <<< للفائدة ,,,
فجاءه مع صوت الطقاقه وانشغالنا (مبققين عيونا باللي يرقصون )
إلا والـــــــ
إلا والــــصوت يجي من ورانا
آآآآآآآآآآآآآآآآآآآآآآآآآ آآآآآ آآآآآآآآآآآآآآآآآآآآآآآه آآآآآآآآآآآآآآآآآآآآآآآآآ آآآآه آآآآآآآآآآآآآآآآآآآآآآآآآ آآآآآ آآآآآآآآآآآآآآآآآآآآآآىه يممممممممممممممممممممه << ياويل الام من شوفتهن
وبحكم اننا جالسين بالبداية فالناس اللي بالأخير وقفت وغطت علينا ما قدرت اشوف شيء وجاء في بالي اشياء كثيرة في هذي اللحظات البسيطه يا ربي وش يكون رجال مثلا دخلوا ولا احد مات ولا احد قتل احد ماجاء في بالي الحريق ,,,
وشفت الحريم يركضون والكراسي حذف والصراخ وما اشوف الا سحابه سوداااء بدت تغطي القاعة (والله اني قمت ارجف اللحين وانا اكتب القصه تذكرت الموقف الله لا يعيده ) ,,,
وصاروا يركضون للمدخل (اقصد مدخل النساء ) ولاشعوريا ركضت معهم ما اخذت من اغراضي شيء لاعباية ولاجوال ولاشنطة و لا حتى الصندل وانتو بكرامة ,,,,
ولما وصلت نص القاعه جاء في بالي اني لو طلعت بالسلامة كيف بيكون شكلي من دون عباية او حتى لوطرحه أغطي فيها وجهي ولا لبسي كان ساتر الحمدلله ,,,
رجعت اركض و لا بالعبايات بالكوم حذف قشيت عباية بسرعه واخذت الشنطة من على الطاولة ورجعت اركض وكل هذا صار بلحظات ولاشعوريا ,,,
ولما وصلوا الحريم عند المدخل تخيلوا يابنات البواب الله يسامحه منع احد ان يطلع وعذره يقول تسترن يا حريم وتخيلوا قفل الباب بالمفتاح علينا والمدخل كان ضيق بالمرة ,,,,
وصاروا الحريم اللي بالخلف يدفعون اللي ببداية المدخل ما يدرون بالسالفة ان الباب مقفل وانا ضعت وسطهم اقسم بالله صرت مضغوط وانقطع نفسي واللي قدام (اقصد الليي ببداية المدخل) راحن فيها وفجأه طفى الكهرب ,,,
تخيلوا عاد الوضع والله فيه حريم انهبلن من الصراخ والبكي والرجال ما بعد دروا ,,,
فجأه انفتح باب الفرج دخلوا مجموعة رجال من باب صالة الاكل وصاروا يشدون الحريم اللي متزاحمين بالمدخل ومن هنا ويشيلون اللي يطيحون (ياحليلهم عيال ابومتعب) ومن الزحمة طحت على طاولة وطاحت كل اغراضي ماعدا العبايه قد لبستها والطرحه ملفوفه على رقبتي وفيه غيري طايحات عجايز وبنات وبدا الحريم يدوسون علي والمشكلة اني طايحة على ظهري يعني مااقدر اتصرف والا يجي ذاك الولد ياقلبي شكله صغير ويشدني ويطلعني من الزحمه وطبعا رماني على صحن رز اللي بصالة الاكل ,,
وطلعت من الزحمه ورحت اركض طبعا طلعنا للشارع وسويت عبايتي والطرحه اي كلام والمشكله مامعي جوال ادق على المعزب وانا امشي دخت (بمجرد اخاف ارتجف بسرعه بسبب صدمه مرت علي)
وانا حافية والشوك قطع رجليني وطحت على الارض و اول ماطحت الا والرجال معي وشفيك تعبانه ويصارخ جيبوا الاسعاف ,,,
وفجأه رفعت راسي الا والرجال متجمعين عاد بمجرد ما شفتهم زاد خوفي بالمرره ويجيني واحد كبير بالعمر الله يسامحه طير قليبي يصارخ علي انت من بنته ؟ انت من بنته ؟ وش فيك والكلام الذي منه طبعآ لوسألتوني ليش ماعلمت باسم اهلي والسبب خايفه على زوجي من الفضيحه لانه معروف في المنطقه واغلب زملاءه من نفس العايله واعرفه يغار علي لحد الجنون ,,,,
وجت الاسعاف والتفت فيهم (يادوب ارفع راسي عشان الطرحه ماهي ساتره) ,,,
الا وهم جايبين النقاله بيحملوني هههههاي ,,,
ياالله زاد خوفي لما اجتمعوا ويجي الممرض ويقرب مني اختي فيك شي قلت لا وصوتي خافت وخايفة ويعيد السؤال علي وقمت وقفت احاول اسوي ان مافيني شي والا طاااااااخخخخخخخخخ اطيح مرة ثانية والتفت على الاسعاف الا والاضاءه ماشاء الله قووووووويه تخلي اللي ما يشتري يتفرج وصرخت ما ابيهم يشيلوني وزين جاء واحد من الرجال وبعدهم عني ,,,
وش سواء زوجي لما شافني ؟
وكم عدد الوفيات بالزواج ؟
طبعا اعطاني واحد من الرجال جوالة عشان ادق على زوجي والله اني قاعده اكتب الرقم واسوي اتصال وانتظر يطلع اسم زوجي بالشاشه كل خوووووف انه زميلة وشافني ويعرف انه زوجت فلان مع ان الاضاءه كانت ضعيفه بالمره
كلمت زوجي و لا سأل عني الرجال (عاذرته كان مشغول ب أمه اولى مني انا وخشتي) ,,,
وانقطع الاتصال الشبكه كانت مشغوووووولة رزق الله الاتصالات ذيك الليله خخخخخخخ ,,,
رجع دق زوجي على الرجال واستفسر عن مكاني اقصد اي بوابه طبعا قاله الرجال عند الاسعاف (صرت مشهوره راعية الاسعاف الفلانية وخبرتة حرمته انهم حاولوا يركبوني ورفضت
تخيلوا عاد وش قال زوجي حبيبي اول ماشافني ؟!!!!!!!!!!!!!!!!!!!!!!
قالي سلامتك ياعمري <<< حامض على بوزززززززي
ولا قال فيك شي <<< مت ياحمار
قال
قال
قال غطي وجهك ياحررررمه فضحتينـــــــــــــــــــ ـــــ ــــــــا <<<<<<<<:u162: آآآآآآآآآآآآآآآآآه ياااانييييي
عدد الاصابات 45 عدد الوفيات بالزواج ولد وبنتين ماتوا من رجلين الحريم بالعربي توطوهم الله يرحمهم ويسكنهم فسيح جنانه ويعوض اهاليهم بخير
