@@ القــــار الاســــود @@
[align=center]السلام عليكم و رحمة الله وبركاته
اسعد الله اوقاتكم بكل خير
للتواصل و لمداعبة الافكار و لطرح المشاكسات في دهاليز النصوص الشعريه
لكم هذا التواصل
صلوا على النبي
..........
........
......
....
..
.
[poem=font="Traditional Arabic,7,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
القار الاسود .. عليـه النـاس منهـده = كلن يسوقـه علـى ممشـاه مشهاتـه
احد(ن) يبي شرقها و احد(ن) يبي جـده = و احد(ن) يبي نجدنا .. روضه و تنهاتـه
خبت الوله جيت له وارد علـى عـده = ابـي اذوق الهـوى و اعـرف ملذاتـه
وش عقب دور السنين و ضيعت المـده = الكبـر لا داهمـك تطغـى علامـاتـه
شيب(ن) و ركبه تطقطق زودهـا يـده = ترجف سبب هون في جسمه و نبضاتـه
هذاك عود (ن) تجعـد بالهـوى خـده = من حب عذرى و معها حـب بكراتـه
يا ريح كادي يفوح الشعر مـن كـده = ثم زان مسك الظفيـره ربـط بكلاتـه
اللـي تولـع ب/قربـه راهـي المـده = و اضعف فقير(ن) تولـع فـي مناجاتـه
اصناف و اشكال و اعمار(ن) تبي الصده = من لمحة العين .. سحره .. حور نظراتـه
النايف اللي طويـل الرمـش و القـده = الكايد .... مخصّره ... يشكي معاناتـه
يا قلب وقف .. توقـع لا تجـي حـده = الحال واحد و ابشكـي لـك متاهاتـه
ان باح سدي علي .. ما باحبـه سـده = اثبت من طويق فـي قاعـه و وقفاتـه
شاخ و تشيّخ من الميلاد .. من نـده ؟ = يحمي سنين العمـر باصـداف داناتـه
حتى طيور الولـه فـي ساعـة الهـده = تركد على وكرها .. و الصيد ما جاتـه
من هو يلوم الوحش و يلـوم مـن رده = لا عاف حومه و يشكي جـور هداتـه
حوران ضيّع مسيره و السبـب عـده = وش عاد لو كان ناصر ضمن صولاتـه
[/poem]
سلامتكم
ناصر السحيمي[/align]
