القناعه كنز

من هجوسي ياحبكت القاف اشدّه ياحبكتـه
ماتبعت هجوس ناس(ن)قافهم هم يحبكونـه
ودبكة(ن)تدبك على دبك المهبّـل مادبكتـه
لو ملاييـن الاوادم كـل يوم(ن)يدبكونـه
الشموخ اللي براسي لو تركنـي ماتركتـه
لو كثير الناس في بعض المواقف يتركونه
المجال اللي يروده رايـد الكـود انتهكتـه
ونازلين القـاع باقـدام المذلـه ينهكونـه
وكل خيط(ن)مثل خيط العنكبوته مامسكتـه
مامسكت الا خيوط(ن)تحتمل من يمسكونه
القناعه كنز في ذاتي مع املاكـي ملكتـه
وادري ان اهل القناعه كل ابوهم يملكونـه
مارفعت الكف مع كفّ البخيل ولا شبكتـه
ابعد كفوفي واخلي ناس غيـري يشبكونـه
رافع(ن)راسي ودرب(ن)ينتقصني ماسلكته
مسلكي درب(ن)مشاكيل النشاما يسلكونـه
زارع(ن) زرع الوفا بحساس وافي ماهلكته
مع وجود اللي يبون من المشاعر يهلكونـه
والله اني مبرك الاذلال عمـري مابركتـه
ولا سكنت بخيمة الاذلال بالليل وسكونـه
قلت قول وراحتيني مع بعضهـا مافركتـه
والندم لو ينشكـي كـل الاوادم يشتكونـه


ارق تحياتي

فني كلمات

هلا بك ومرحبا

تم نقلها الى هنا لاكثر من سبب

هل القصيده لك انت ام قمت بنقلها؟

الكتابه في قسم الشعر النبطي لها شروط اولها الكتابه بالاسم الصريح للرجال

اتمنى تراسل الاداره لتغيير اسمك لنتمكن من نقلها لقسم الشعر اذا كانت من نظمك


الناااايف

ماقصرت يالعتيبي

يعطيك العافيه

ولو الكلمات لغيري كان كتبت اسم الشاعر اللي هي له او كتبت منقول وبالنسبه لموضوع الاسماء استغرب منكم هالشروط ياخي حتى بالجرايد والمجلات اسماء مستعاره


ع العموم ماقصرت ويعطيك العافيه كل ماانزل موضوع بقسم القاكم شايلينه بقسم ثاني

فني كلمات

حياك الله

وأبياتك رائعة أشرق المنتدى بها..

أرجو الا تحرمنا إبداعك..

وياهـلا فيكـ

فني كلمات

هلا بك وغلا

صح لسانك الى رضاك

قصيده رائعه بكل المقاييس

استغربت انك تكتب بااسم مستعار فمثل هالقصيده يجب ان تاخذ حقها في قسم النبط وباسم

شاعرها الحقيقي ...

قرأت لك في قسم شعر التفعيله واعجبني ماقرأت وها انت هنا تجبرني على التصفيق لهذا

الابداع المنقطع النظير ...

والاستاذ النايف معه حق في مسألة الاسم المستعار لان انظمه المنتدى لاتسمح بالنشر في

قسم النبط للشعراء الرجال تحت اسم مستعار ...

تقبل مروري

فنى كلمات
ماشاءالله صح لسانك
والله رائعه
قصيده لايمل منها القارئ
تحياتي

اشكر مروركم اعزائي وتعليقاتكم وتشجيعكم

كما اشكر لكم كلمات اطرائكم التي اتمنى ان اكون بحجمها


دمتم متألقين

فني كلمات

اسم على مسمى صح لسااانك على هذه الشامخه ملالاين