بنات ساعدوني شنو الحل معاها

السلام عليكم بنات شلونكم حبيباتي

بناات في وحده تصيرلي و اهيا عمتي والله بلانا فيها مأذيتنا شنو الحا معاها ....، يعني تخيلو تسوي روحها مدينه و السباح استغفرالله 24 بيدها بس تأذي الناس و تحقد عليهم يعني صارلها 5 سنين و اكثر من امي تزوجت
ابوي و اهيا تأذينا واختي حبيبتي مسكينه من اول ما تزوجت متأذيه مو متهنيه بزراجها ماخذها ولد عمي بس متعاون مع عمتي الساحره كل تيب حق اختي اشياء سحور من سوريا و عراق و ايران تشربها و تعطيها اغراض من صخور و مادري و ابوي كلمها و هاوشها بس يوم ثاني انقلب و الحين ربطوا لسانها و امي كله تحبم فيها و خالاتي امي حلمت انه اسنانها الي تحت مربوط بخيط اسود و لابسه تنوره رماديه فاتحه قصيره و قميص ابيض و مره حلمانه انها حزينه وايد وهذا الصج اختي صارلها الحين صارلها 6 شهور من حملت و قعدن نفاسها عند اقل من اربيعين يوم و شالت قشها و من يومها ما يابت عيالها و لا شفناهم كل بس اهيا من وينن لي وين تي بروحها نقولها وين العيال طلع لنا الف عذر ولان ريلها حمار و رابطينها عن خالاتي و يدتي ما تسألهم عن كلش مسويلها غسيل مخ حسبي الله ونعم الوكيل .....، بعدين انقلبت على امي طرمتها سنه و كله تبجي و تفكر و تحلم كوابيس بس الحمدالله راح عنها و الحين يا دوري من خمس سنين و انا على هالحال يعني تخيلو قبل ما اتوفق بدراستي و تيلي كآبه مو طبيعيه و قبل سنه صار فيني مس كانو اربع و كانو يتكلمون و يقولون اعمارهم و اسامهم و اهمه منو وين و منو يايبهم بس خالاتي ما قصور الله يحفظهم كانو يساعدوني كانو ما يخافون من هالشي وحده من خالاتي كانت تكلم الي داخلي تقوله انت منو يايبك يقول الفلانه الي اهي عمتي ....، والحين ردت مصمختني و يوم الخميس طحت عليهم و ما كنت بوايعتي .....، والحين قاعدين على القراءه سوره الملك و يس و انعام و كل خميس نقرا ....، شالحل بنات

ان الله مع الصا برين