قصيدة لعيونكم

بسم الله الرحمن الرحيم
السلام عليكم ورحمة الله وبركاته
في الحقيقه هذه أول مشاركه لي بين أخواني وأخواتي أعضاء منتدى غرابيل ,فلعلي أكون عند حسن ظن الجميع,

وأحببت مشاركتكم بقصيده متواضعه من إعدادي. لعلها تحوز على رضاكم..



وهي قصيده بعنوان(الجيب) أقول فيها:_


(( الجـيــــب ))

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



شفي على موتر(ن) ماعـاد يشرونـه=هو منوة اللي شقا والنفـس يسعدهـا

جيب(ن) جديد الموارد وابيض(ن) لونه=ودي مواتـر جديـده فـي مواردهـا

له فترة(ن) مع طويل الدهر مضمونه=ماهي صناعـة بلـد تفنـى حدايدهـا

كل الدداسن تسـاوي نـص عربونـه=فيـه المزايـا كثيـره لـو أعددهـا

الزيت ثابت مكانـه مـا نـزل دونـه=والبنشري للكفـر ماقـال لـه زدهـا

يرتاح مـن يركبـه مليـان فريونـه=بارد طبيعي سـواة البـرد يصردهـا

والمرتبـه بامتيـازات(ن) ومامونـه=وطبلون جلد(ن) والا ماكثـر فوايدهـا

ماهو بشاريه شايب يحتـري شونـه=والا عجوز(ن) تجمـع فـي قلايدهـا

يقطع ديار(ن) على سرعات مجنونـه=حتى المراصد توهق كيـف ترصدهـا

وليا ضرب رملة(ن) يمشي على هونه=يمشي مهـاره ثقـه ماقـام يجلدهـا

دايم على ضربـة المشـوار قانونـه=كـن المشاويـر بالصـدام يطردهـا

يقودها فارس(ن) مايعـرف الخونـه=ترى الأمور الصعيبـه حـر قايدهـا

ويرافقه حـر مثلـه دايـم(ن) عونـه=ماهو كما اللي يكبـر فـي مساندهـا

ينصون من في اللقا والحرب ينصونه=أهل المعاريـف مـن يقـدر يعاندهـا

وأنـا بغيتـه كـذا لعيـون مزيونـه=واللي يبـا يعقـد الحبليـن يعقدهـا

لعل غيث الهنـا ينـزل مـن مزونـه=على ديار(ن) تسمـى قمـت أرددهـا

هـذا بخطـي كتبتـه لان يقـرونـه=ومن المطابع يبـا ياصـل جرايدهـا [/poem]





ودمتم سالمين.....

ااااااااااااااااررررررررر ررررررررررررحب يا منصور


وحياك الله بين اخوانك


بس عندي ملاحظه يالقرم خارج نطاق القصيده





ماهو بشاريه شايب يحتـري شونـه
والا عجوز(ن) تجمـع فـي قلايدهـا

ياولد الدراهم عن العجايز يكنزنهاا ويدسنها تحت الفرش وفي قواطي النيدو ههههههههههههه



لاهنت والله يامنصوور


ابدعت فالووصف

وان شاء الله تشتريه وتشوفك المزيونه

لااهنت يالقرم

اخووك

أخي الشاعر مضحي السميري صدقت والله عز الله إن عندهم الكنوووز
لكن الجيب اللي هذي وصووفه ماوالله يقدرون على شراه ,انا يمكن ماقدر ههههههههه هه
نورت الصفحه لاهنت
ودمت بسلام,,,

منصور المطيري

هلا بك وغلا

حياك الله بين اخوانك واخواتك في منتدى غرابيل وعلى الرحب والسعه ..

مشاركه اولى جميله والجيب يستحق وان شاءالله فالك الجيب ...

صح لسانك الى رضاك

شاعر رائع

تقبل مروري

أخي المشرف أحمد الشمري بارك الله فيك وصح بدنك
مايحتااج أنتم أخواني وأنا اتشرف اني أكوون معكم
وانتظروا المزيد من القصائد بإذن الله إن سنحت الفرصه

ودمت بسلاااااااااااااااااااااا ااااااام,,,