لو كان مدرب ما يجامل

السلام عليكم

اولاً الف مبروك على الفوز الصعب اليوم وشكراً لبعض اللاعبين والجمهور الحاضرين والاداره

من جد انا نفسي اعرف فين السحر والصعب انك تحط تشكيله في الاتحاد ما اعرف ليه المدربين بيخبطوا

والشي الثاني في لاعيبه ما ادري كيف نادي الاتحاد متحملهم

اولاً فواز القرني مره مو فواز حق الموسم الماضي ما اعرف هوا ضامن انو مافي حارس بديل له او ايش ما اعرف خروجه كثير من المرمي وصارت اغلب هجمات الفرق المنافسه اهداف فيه
معليش انا عارف ان فواز حارس كويس بس احسه صاير مستهتر مره


ثانياً باسم المنتشري معليش بس والله الاتحاد اكبر منه يعني من بعد جميل والخليوي والناس هذي يجي باسم المنتشري
دائماً الاتحاد معروف بخط دفاعه بس الحين للاسف سار نقطة ضعف الاتحاد دفاعه.
اقرب مثال اليوم والله عدت هدف العروبه اكثر من مرا بس ابغى اعرف قلوب الدفاع فين كانو وقت الهدف ليه اللي غطو الاظهره ؟؟؟؟

ثالثاً مختار فلاته للاسف مختار مرا ما ينفع معانا انا عارف انه كان وصيف الهداف الموسم الماضي بس ارجعو اتفرجو على الاهداف يا انها من ركلات جزاء يا انها بتمشي معاه
يعني الاتحاد فريق كان يملك حمزه واليامي وكيتا وألفيس ناس تمسك الكوره تعرف كيف تجيب هدف
للاسف مختار ما يعرف يتحكم بالكوره من جد كأنه طفل وتقوله شوت الكوره مرررررررره الاتحاد اكبر منه
ما اعرف ايش كان يفكر النادي لما يمشي الصبياني ويخلي مختار


انا متأكد مليون بالميه لو جانا مدرب كويس وقوي الشخصيه رح يطلب تنسيق مختار و باسم

وألف شكر لابو نوران لانه كان مدرب داخل الملعب وشكرً لجمال هذا الجوهره الثميه ومليون شكر لعبد الفتاح هذا اللاعب اللي من اول ما جا من حطين وانا اراهن عليه واتمنى شراء عقد صالح القميزي واللي اتمناه اعطاء ياكونان الفرصه الكامله لانه من الظلم انه يكون مختار في الملعب وياكونان احتياط لاعب عنده الكثير واتذكرو كلامي لو اتوظف صح في الملعب رح يكون كارثه للفرق الثانيه


وشكرا للجميع

تحياتي