تشمتت فيني وربي ابتلاها وبعد رفع البلاء عنها بكتني دم

قبل لا اتزوج كانت وحده طول عمرها عالطالعه والنازله وسسط مجلس الحريم انتي سمنانه انتي عيونك كذا
وش فيك وزنك زايد ليه شعرك كذا ليه لبسك كذا ؟
هي متزوجه وانا لا وانا وهي بنفس العمر
قدااااااااااام كل الناس وقدام جماعتنا واهلنا تفشلنني يعني لا مفر منها هي قريبتي
قدام الكل تسألني وش هالسمنه ؟ وزنك زاد
وكأنها اول مره تشوفني وهي حافظتني حفظ بس تبي تكسرني وتجرحني وتفشني
كنت صغيره ما اعرف وش الدعاء ولا كنت اعرف وش هي دعوه المظلوم وهي مخها مفتح لانها متزوجه وانا بنت
تمت سنييييييييين ماتشوف ناس الا ولازم ترمي كلامها قدامهم وش فيه وجهك حبوب؟ وش فيه تحت عينك اسود ؟ وش هالسمنه اعوذ بالله ؟ الخ الخ
دااااااااارت السنين (وانا مــا دعيت عليها كنت جاهل ما اعرف) وربي ابتلاها بالسمنــــــــه صارت اسمن مني والسبب انها مرضت وكتبولها ادويه كانت لازم تاخذها غصبا عنها وهالادويه خلتها اسمن مني (اللهم لاشماته) وحسسسسسسسسيت وقلب المؤمن دليله حسيت ان ربي ابتلاها بالسمنه والحبوب عشانها حوبتي والله اعلم
تمت تعايرني 16 سنه من حياتي هزت ثقتي بنفسي وكرهتني بجمعات الحريم صار عندي رهــــاب بسببها كلما اروح جمعه حريم ادخل عليهم ويدي ثلـــــــــــــــــــج وارتجف بشكل ملحوظ اذكر مره خدامه بيت عمي قالت ليش يدك يهتز ؟؟ يعني سببتلي رهاب رهاب (( الله يجعل فيها رهاب ياااااارب))
المهم اللي ساعدها جمالها ملكه جمـــــــــال هي استغلت جمالها بتفشيل الاخرين وبالذات انا لانها بنت عمي وعمرها نفس عمري
المهم يوم ربي ابتلاها بالسمنه صارت محتررمه ماتعاير ولسانها تنظف وتسنعت وصارت وحده ثانيه سبحان الله
انا من حسن حظي بهالفتره اللي هي سمنت فيها (انا تزوجت) وما مر على زواجي كم شهر الا وسبحان الله هي نحفففففففففت ورجعت فلانه الاوليه !!
انا مازعلت لاني توقعت لسانها واخلاقها راح تتم محترمه
وتحصل الصدمه اللي ماكنت اتوقعها تخيلو وانا عرووووس قصفت جبهتي قــــــــــدام حموووولتي وقالت وش هاللبس هذا ؟؟ بسخررريه وبصوت عااااااالي (انا عرفت انو رجعت حليمه)
رديت عليها ماسكت لها ,صحيح ردي ركيـــك لكن هذا طبعي لساني مو وصخ مثلها ,بس مهما كان ردي عليها يكفي انها هي علقت بالاول هالشي كافي يفشلني لان حمولتي بيقولون ماعلقت على زوجه ولدنا الا فيها شي ..ام زوجي واخواته المتزوجات وطوا رؤؤسهم للارض عشان لا احس بأحراج صار يغيرون السالفه!
ومن هالموقف عرفت ان هالانسانه مامنها رجى ورشاقتها وجمالها اللي رجعو لها راح يرجع وياه للاسف لسانها وتعليقها وسخريتها
الحين بما اني صرت مره متزوجه ووين ما اروح حمولتي معاي خفت لاتفشلني وتقط كلام قدامهم ف صرت اتحاشى الاماكن اللي تنوجــد فيها هالانسانه
تخيلو 9 هور كامله اعتزززلت الناس ياما صارت عزايم وجمعات وحفلات كلها اعتذرت عن حضورها 9 شهووور لانها هي موجوده لاتقولون ابالغ انتو ما تدرون عن قوه لسانها وجبروتها في قصف الجبهه وصوتها عاااااااااالي جدا جدا جدا واسلوبها في احراجي قوي وجـــــــرئ مستقصدتني حييييل مع ان انا وييييين واهي وين (رحم الله امرا عرف قدره) هي ملكه جمال والكل يسولف بجمالها الواضح
المهم وصارت مناسبه قبل كم يوم وكان غصصصصصصصصصصب عني لابد احضرها يعني غصب غصب مجبوره احضرها وكانت ام زوجي واخواته المتزوجات معي
وصار اللقاء معها بعد 9 شهور كامله من الانقطاع وبس شافتني قالت بأعلى صوووت(كل الموجودين نزلو رؤؤسهم من الاحراج) وووووووووويه سمنانه بتنفجرين وش هالسمنه ؟؟؟؟؟!! وتطالعني بتقزز ..كان صوتها عالي بشكل مخيف تتعمد الكل سمعها
ام زوجي ارتبكت وويها راح اسسسسود من الفشله وبنفس الوقت اكيد بقلبها بتنقهر وتقول زوجه ولدي شينه ولا ماكان تكلمو عليها
المهم رديت عليها و((عايرتها وعلقت لاول مررره على شي معين بشكلها)) بس بس للاسف الشديد كان واااااااااضح علي الصدمه و الاحراج حييييل لما انتقدتني بالاول
وشوي جبهتي صارت شلال مـــــــــاي عرقت من قلب وام زوجي صارت تمسكني من افخاذي وتقول هذه بنيتنا نحبها ..تخيلو الاحراج ؟
بلعت حسرتي وقهري
وبنفس الجلسه قررت احرجها مثلما تحرجني وكانت اول مره بحياتي احرجها وفعلا قطيت عليها كم كلمه عدله بس تدرون وش صار؟ حسيت اللي بالمجلس عرفو اني محتـــــــره من انتقادها لسمنتي مع العلم كنت اقط عليها الحجي وانا اضضضحك لكنهم يعرفون طبعي اني ما انتقد ولا احرج احد بحياتي واني هادئه وخجوله
وتأكدو حمولتي انها قدرت تأاثر فيني وتقهرتني
بس تمالكت نفسي اعجبكم والله طول الجلسه وانا اضحك وبداخلي (بركان من الدموع +انكساااااااار +احراج الدنيا كله+ حقـــــــد الدنيا كله عليها لانها طلعت ذكريات 16 سنه ضييييم )
وكنت ابتسم واسووولف بصوت عالي واضحك بصوت عالي ورافعه راسي لفوووووق وكتوفي رافعتها
بس كلهم مايدرون اني كنت اتنفس من خرم ابره وكأن اكسجين الدنيا خلص وهذا مو تشبيه هذا صدق حسيت بكتمه فعليه وحقيقيه بس كنت مشغوله خارجيا بالضحك والفرفشه
لا وابشركم الحقيره قالت الاسبوع الجاي فيه حفله لبيت فلانه قمت بصوت عالي سألت عمتي بتروحين ؟ قالت مدري ,قلتلها اذا بتروحين تراني بروووح وياك علميني لاتنسين (ايحاء نفسي عشان لاتحس اني بعد احراج الحقيره بتخبـــي ببيتي وبهرب من عيون الناس ) ابي اوريها اني بطلع وبحط عيني بعين العالم بالرغم من اللي قالته (وانا بداخلي العكس ودي اتخبى تحت الاررررررررض مو بس تحت الفراش)
عموما عدت الجلسه (او التمثيليه بالاصح على خير) وخرجنا انا وحمولتي وكانو معي بالسياره وتميت اضحك وياهم وانكت وانا ما اصدق متى اوصل بيتي عشان ادفن راسي تحت مخدتي وابككككككككككي
ورجعت بيتي ورميت نفسي على السرير بدون مايحس ريلي
وبكيييييييييت بكاء حار بس الغريب ماتعدى بكائي دقيقه فقط
غضب بداخلي جهنم ابي ابجي قلبي وصدري مليانين دموووووع مخنوقه من كميه الدموع والله مخنوقه ابيه يطلع لكنها عيت الدموع تنزل ..عيني ناااااااااشفه
وشوي ربي انطق لساني ودعيت عليها دعوه والله ثم والله ثم والله من ثقتي بأن ربي سمعني احس اني اراها بعيني
دعييييييييييييييييت من قلب وان شاءالله يتحقق (احتفظ بالدعاء لنفسي) لكنها بأذن الجبار راح تشرب من نفس الكاس اللي شربته منها سنييييييين طويله
اسأل الله الجبــــــــــار ان ينتقم منهــــــــــــــا وان ارى دعوتي قدام عيني وماني محللتها لو تعطيني الكره الارضيه عشان اسامحها ما اسامحها لين اشوف عقوبه ربي واذلالها مثلما ذلتني وصغرتني قدام الكل
وحسبي الله ونعم الوكيل