يابرسيم ياالحلال يموت !!!!
اغنام - ابل - دواجن - طيور
بسم الله الرحمن الرحيم
بسبب غلاء البرسيم ولعب ابو بكسس اللي هو الباكستاني بسعر البرسيم حبيت اطرح هالموضوع
بعض المربين حاشر ومضيق على نفسه في البرسيم وكان الغنم لاتاكل الا برسيم والا راح تموت يا اخوان مو كذا الموضوع الاغنام تاكل الاعلاف بجميع انواعها واصنافها حتى الجريد اللي هو سعف النخل ممتاز جدا وله مردود ايجابي ورخيص جداوالخبز ممتاز جدا وله فوائد ياشيخ اطلق من البرسيم مدر للحليب ويشيل شحوم ولحوم وكلها فوايد باذن الله في احد الاعضاء بالمنتدى خمس شهور لم يذق الغنم ولا الابل طعم البرسيم فقط رودس طول اليوم وحلاله يقول في احسن حال وسمان بالحيل وموضوعه موجود تقدرون تشوفونه .. حنا بالسعوديه ماعندنا حل وسط يابرسيم يانبيع الحلال .. لازم يصير عند المربين بشكل عام ثقافة البديل الجاهز يعني خلاص البرسيم مرتفع ولا تقدر تشتريه اشتر تبن اشتر رودس اشتر كميه سعف نخل اشتر خبز والله ممتاز جدا بس ربعنا مدلعين بزياده شوي يعطي الغنم مشاوي !!
كل شي مفيد للغنم ولا في داعي ولا حاجه ان يضغط المربي على نفسه ويشتري برسيم منت بقادر تشتريه ابعد عنه واستبدل بارخص منه والحلال مامنه الا العافيه في ناس كثير من سنوات يعلف للغنم فقط تبن وشعير وحلاله من افضل الاغنام ان قلت بهم او امهات وفحول .. عموما انا مابي اشن حمله على تجار البرسيم عليهم بالعافيه بس محنا جالسين على بنوك ولا نهل الدراهم من الجدران عشان ادفع نص فلوسي ومالي عشان برسيم خل برسيمك عندك وانا بشوف غير البرسيم اكله به الحلال
كلام فااااااضي ربطة البرسيم توصل في بعض المناطق الى 24 ريال خير ان شاء الله افلقني ياراعي البرسيم ان شريت من عندك هذا وجهي:icon28:
dhfvsdl dhhgpghg dl,j !!!!
