مبنــــــــــ الحــــب ــــــــــــى ... ....
ما سمعت بمبنى ضخم
مبنى شاهق
مبنى فخم
ناسه .... ذوق
من بعضهم واثقين
تقضي فيه أحلى وقتك
أدفى همسك
وأغلى صمتك
مبنى كامل للحبايب
لا حسود ولا عذول ولا نشايب
فيه غرفة انتظار
خاليه من كل شي
إلا ساعة ع الجدار
دندنتها عاليه
دايم في صراع
هي وقلب المنتظر
غرفه ما فيها أريكه للجلوس
مثل قارب بلا شراع
شي بديهي !!!
هل سمعت بمنتظر يعرف طعم الجلوس؟؟؟
وفي غرفه للصراحه
تجلس فها بكل راحه
ويطلق لسانك سراحه
ويشتكي قلبك جراحه
ما تحس بأي خوف
وفي الوسط في سلم
تطلعه حبه حبه
مبني باخلاص ومحبه
تلقى أول غرفه فوق
غرفه اتيكيت وذوق
غرفه مختصه بالشوق
للحبايب يسهرون
وفي غرفه ع اليمين
لا آهات ولا أنين
كلها شوق وحنين
حب واحساس وشجون
جنبها غرفه كبيره
غرفه جذابه ومثيره
مافي لغير الحب سيره
هذي غرفة الجلوس
وللهروب من متاهات الحياة
وللرجوع لماضي فات
لأحلى وأروع ذكريات
مالك إلا الاستراحه
آخر غرفه ع اليسار
وفي غرفه للعتاب
واللقاء بعد الغياب
تستريح بعد العذاب
كلها شوق واعتذار
شووووف كيف المبنى كامل
شووووف كيف المبنى شامل
صدق هذا المبنى حامل
لكل لحن الامسيات
فيه بس انت وحدك
انت عندك خادمين
ولكلامك سامعين
وللأوامر طايعين
لا تخاف
همّا شريان ووريد
مبنى راقي
مبنى وافي
كله إحساس وشجون
مبنى صاحبه شخص وافي
مخلص وطبعه حنون
له بوابه مثيره
كلها حب وحنين
مبنى ما يعرف خصام
لا ولا يعرف كذب
كله حب واحترام
مبنى أغلى من الذهب
مبنى لا يتأجر ولا يشترى
بس يهدى
يهدى لشخص واحد
ما في ثاني
لا تقول إني أناني
هذي قمة التفاني
هذي هي الأصول
قال بعض الناس تعبنا
بس مع الايام تبنا
ولمفاتيحه سحبنا
وصار هذا البيت خالي
قلت: أنا عندي نصيحه
لازم تحسن الاختيار
ترى النار أولها شرار
وللمحبه طعم حار
بالنسبه لي ما رح أتوب
ولو قلبي من الشوق يذوب
الحب عندي أحلى الدروب
والحبيبه دايمن في بالي
وفي النهايه أبي أقول
مافي داعي الشرح يطول
لازم الحيره تزول
وتعرف المبنى ايش يكون
هذا يا أغلى الحبايب
قلبي اللي فيك ذايب
اختياري والله صايب
لأنه أهديته إليك
