بخييييييييييييييييييل )))

قوه بنات


ابي حل مع زوجي



متزوجه لي 7 شهور
حامل بالشهر السادس
كنت ادرس 12 بس من تزوجته منعني عن الدراسه


مهري كان 6 ماكفى شي طبعا
كل شوي ملوع جبدي وين صرفتي مهرج
وشنو جبتي
ليش ماشريتي ذهب
واهلي اصلن زايديني



هديه عرسي كانت 100


اول اسبوع قلتله طلعني ضايق خلقي وطلعني

بعدها باسبوعين قلت له حبيبي خل نغير جو يعني نطلع نتعشى برى

قالي المطاااااعم حرام انتي شفيج اسراف هذا والاسراف حرام


وبعده بيوم كنت مقطعه كيك جاهز وعصير وشابه شموع وكاشخه رد الساعه 12 متشقق قالي تدرين انا وين كنت قلت وين قال وين بقول مع منو ماراح اقول قلت بدلع لا بتقولي وين ومع منو جان يبطل تلفونه ويطلع صور ب ديب اند ديب قالي مع ولد عمي قلت له مالي شغل بتوديني يعني بتوديني جان يقول مو مشكله بروح اخذ طلب خارجي وبييب لوحه اكتب فيها اسم المطعم يعني احنا طالعين قلت له تتطنز ( دق تلفونه جان يقول الحين ايييك حاضر وطلع مارد الا الساعه 3 واحلى سحبه ع الكيك والشموع والكشخه


وكل مالبست له وتسنعت ماله خلق مايبي ، يبي ينام تعبان مسكين ومن يدق تلفونه يفز جنه حصان



بعد العرس ولدت اخته ومرت اخوه
عطاني مصروف 100
ماكفى شي وكان جدا بخيل طلبت حلى وفطاير يطرد السايق يقول غالي 😭

كانت روحتي تفشل حييييل واهم ماقصروا وياي وانا عروس


حملت مايبي يعرف جنس البيبي
عشان مايوديني اسوي سونار ويدفع
وياتني التهابات قعدت 4 شهور وانا اعالج
ماكو فايده وداني مستوصف الامل بحكم انه رخيص

وماكو فايده بعد
الحبيب لما يعاشرني يدهنه بكريم نيفيا
ونيفيا مع التهابات نااااااااااار داخل حريق مو طبيعي

حاولت اكلمه ان مايعاشرني لين اتعالج عمك اصمخ
لما عديته وياته التهابات اهني وقف ولما تعدل وضعه رد للسالفه
وانا كنت اتوحم فيه

وكانت اخته تقوله انا توحمت بريلي وماقلت له كنت اكل حبوب ومادري شتقول

واهو كان متضايق


رحت مع امي سويت سونار وطلع فيني ولد الحمدلله
ثاني يوم امي راحت شرت له اشياء اساسيه عشان لارحت اجهز ماخربط وايد

ماكنت راضيه امي تييب شي
بس يدته وحفيد اخر بناتها



تشقق لان في احد شال من الصرف عنه
3 شهور البيت ماكوو ماجله
كان يبيني انزل عند خالتي اخذ من غداها
وانا مدخلي بروح ومدخل خالتي بروح



مع انها قالت له انا كل يوم بدز لكم غداكم وعشاكم واهو قال لا اهي تطبخ لعمرها 😢

برمضان ماخلاني افصل دراريع
والعيد ماوداني سوق
خياط يم بيتهم وماوداني اختار خام
وطلعت البدله فاشله
قمت لبست بدله مسويتها عند اماني الضاوي



قال بالعيد انه بيوديني مطعم
وسافر ورجع وهاذا ويهه للحين


ولدت اختي رحت لها المستشفى يبت لها ورد
امي كانت معطيتتني 20
لما قلت له بييب لاختي ورد مابي ادش عليها وايدي فاضيه
قال عادي اختج ماراح تزعل



نزلت المستشفى يبت لها ورد وانا طالع سويت سونار اتاكد من جنس البيبي

قلت هالمره بيييبه من صوب ثاني
قلت مشتهيه اكل سوشي
قال شنو سوشي مايوصلون للبيت
قلت له لااااااا مايوصلون
قال انا ادري ياحبيبتي انتي تبين تطلعين معاي تغيرين جو بس حاضر من عيوني

نزلنا البيت واحنا قاعدين نصعد باللفت
قام يقول عيب اصلن الريال يروح ياكل بمطعم
شنو ماعندنا مطبخ بالبيت

قلت له شكو عيب منو قالك عيب
قال امبلا عيب هذول اللي انتي تشوفينهم
بالمطاعم متعودين قبل مايتزوجون عالمطاعم


حتا مرته تزهق من كثر المطاعم
وانا بقلبي نااااار شابه شالانسان
طاح حظي يوم خذيته

الحبيب كان موافق نطلع
نزل الدوانيه وطلع جان يقولي ترا نسيت اقولج
اني معزوم على العشا اليوم
رفيجي يايه تووم صبيان
قلت له باجر نطلع قال اوك


اليوم الثاني
قالي اسمعي البسي ع ماسلم على عمي وايييج

10 دقايق تمكيجت ولبست وقعدت ماخذا مني ربع ساعه جان يدق
قال شراايج المطعم ماراح ناخذ راحتنا فيه ناس وزحمه شرايج ناخذ برجر ونروح نقعد عالبحر نشوي

قلت بس انا مشتهيه السوشي
قام يحن ويزن عشان مايدفع وايد 😒

وافقت ماصار 5 دقايق من المكالمه الاولى جان يدق اقوووول برا هوا قوي وماراح نستانس شرايج نخليها يوم ثاني ( انا لاعت جبدي من الحنه والزنه قلت له لايوم ثاني ولا ثالث مالي نفس بالطلعه )

رد بالليل لقاني متضايقه ومالي خلقه
قام يتميلح شفيج وشفيج يعني مايدري
بطيت له السالفه جان يقول انتي اللي ماتبين تطلعين شسوي فيج انا
قلت انت اللي لوعت جبدي بالطلعه
وقمت ابجي وروقني وطلع


اليوم اللي بعده الصبح اول ماقام يبي ينام معاي صارت واول ماخلص قال سويلي كورن فليكس وحليب
قلت اوكي طف التكييف ع ماتدفى الغرفه 5 دقايق بقوم اتسبح اخاف امرض

راح تسبح وكل دقيقه يلاا قومي
يلاا قومي
انا قمت بتسبح جان يقولي شنوو اروح اتريق عند امي يعني وكل شوي يعيدها لي
قلت كاني قمت بتسبح وبسوي لك
اول ماوقفت تحت الدش بطلت المااي جان ينزل علي ماي بارد وخرت عشان يدفى الماي جان يدش علي معصب اشفييييييج انتي الماي بفلوس
ياتتسبحين ياتسكرينه
ومن اول ماخذيته واهو ماغير يناشبني عالماي
والكهربا المكان اللي انا مو فيه اسكر التكييف واليت 👀 وانا اخاف من الظلمه


طلع جان يقول انا بروح البقاله وايي قلت اوك ع ماتسبح واسوي لك اكلك
طلع ورد توني احط اكله بالصينيه
جان يقوول لا مابي انا بروح اتريق مع ابوي بشرق

ماسمعته عدل قلت شنو بتسوون
قال والله بنوقف عالشارع وكل مامرت سياره بوقفها وبرقصلها

قلت لاتتمصخر تكلم عدل قال والله شسويلج
طلع رحت وقفت عالدريشه جان اشوفه واقف عالرصيف وتيي سياره بي ام ذهبيه مغيمه وقفت عند ثاني بيت اللي يمهم وقف شوي عند السياره وركب وخذا فوق تحت وراحو



يا الضهر مستانس ومروق وانا منقهره منه ليش مايطلعني ويونسني

قلتله يوديني السوق عشان اجهز للبيبي
جان يقول الخميس اوديج
يا الخميس زواره اهلي مارحت لها
قالي لبسي لبست جان يقول عنده ريال بالدوانيه
واهو يكلمني انا اشوفه توه طالع بالسياره
نطرته لل 11 جان يقول طلعي شورتي الازرق حطيه عند الباب عشان اخوي ياخذه
قلت ليش شعنده
قال والله الشباب متيمعين بالمزرعه وقاعد يحطون ملعب الصابوون



اليمعه طنشته ورحت لاهلي
يوم الاحد رحنا السوق
طبعا قبل الروحه مابقى احد ماساله من وين
واحد من ربعه قاله مذركير
ومرت ابوه فيها هلاقه مو طبيعيه بس عاجبته هلاقتها قالت له بيبي كير انا ماعرف شالمحل


وانا قايلتله اني ابي سنتر بوينت لان اغلب اغراضي فيه

نزلت مذركير اخترت حوض سباحه وعلبته واسفنجته
لما اخترت السرير جان اييني قال شنو خامه انتي
خليهم المحل اللي يمه في اشياء تقطع القلب ( من الهلاقه طبعا


نزلت وياه للمحل اللي يمه والله يابنات اشياء تضحك
ستايل قديم هيلقي هيلقي يلوع الجبد
اختار السرير قلت له فرشه السرير باخذها من سنتر بوينت هناك اشكال حلوه وجوده بعد قال لا اخذي من هني ماراح اروح محل ثاني اختار اهو
دخلت انا اشوف البجايم جودتهم زيييييرو ودلاغاتهم ام كشكش تخيلو كان يبي ياخذ لولده دلاغ بو كشكش نعم حجي قلت له خير ولد يلبس جذي قال اشفيها قلت هاذا مال بنات انا ابي سنتر بوينت دلاغاتهم زينه ومرتبه قال شوفي اخذي اللي تبين الحين لان ان طلعت من السوق ماراح ادشه خذيت فوط صغار وحوض واسفنج واختار اهوو 4 بجايم مش ولابد وخذيت فوطه كبيره للبيبي حاسب طلع له ب 107 بنات انصدم قال ليش شنو ماخذين احنا وايد غالي قلت وين غالي امي قاطه ع اغراض البيبي اللي يايبتها 300 وانت ابوه 100 مستخسرها فيه

اول مره تمر علي هالنمونه يبخل انه اييب لاول بيبي له و4 بجايم الوحده بدينار ونص مستخسرها فيه

اهو يشتغل بالجيش طاق ع ضهره قرض 45 الف
وفوايد القرض 26
ماسوى لي عرس عشان اسكت ولا ياب لي شبكه بعد

بهالقرض خذا له بيت بالسعوديه
ياجره ب 12 الف ريال و مادري جم
يعني حول ال 800 دينار
هذا اللي شفته بالعقد
لما سالته قال ياجره ب اميه


وعنده حساب خاص فيه 8 الاآف
قبل جم يوم دزيته صوره جنطه من آل ڤي
حول ال 700 دينار وانا لو ماعنده فلوس ماطلبتها منه

قال حاضر وانتي تامرين
وين محلهم من عيوني اييبها لج
قلت له بالافنيوو وبالصالحيه
وانا بجهازي خذيت 3 جناط
برادا ومايكل كورس وفرساتشي


رد البيت كان ياي مع اخوه خروف مرته
يايب لها سايق وخدامه واللي تبي اييها وكل شوي طلعات ومطاعم والجنطه اللي تدش خاطرها تييها > صورها بالواتس


دش علي مقلوب فوق حدر
قال الحين الجنطه اللي تبينها بجم
قلت له مادري حبيبي
قال تبينها اهي بالضبط
قلت ان ماعجبتك بالصج اختارلي ع ذوقك
وانا بسوي نفسي مادري انك بتييب لي ياها
ضحكت ولفيت ويهي كنت احط ميكاب جان يوقف جدامي قال الحين شالفسق اللي انتي فيه انا لو عندي مليون دينار وفي جنطه ب 500 اشتريها ؟
قلت ايي اشتريها


قال لا لان الدين حذر من الاسراف قلت له هذا مو اسراف هذا بخل
قال انا مو بخيل بس احافظ ع فلوسي من هالخرابيط الحين حتى لو انتي عندج فلوس وتبين جنطه ب 500 ماراح اخليج تشترينها
قلت له لا والله بكيفي اشتريها ولا لا
دام عندي فلوس ماخلي شي بخاطري


زعل وطلع من البيت وللحين مارد
وخالتي غشتني ماقالت لي انه مايبيني ادرس كان باقي ع امتحانات اخر السنه شهرين سحب اوراقي
ولما قلت لها قالت ماعليه كل شي بالسياسه والكلام الحلو يرد قلت لها خالتي ولدج ماخلى شي ينقال لا حلو ولا مر ، ماشتكيت لها مع ان اهلي قالولي تشكي لها وانا مابي اذل نفسي لها ولولدها لانهم جذبو علي

وكانت تقولي انه يطلع ويودي مطاعم يعني تبي تطمني

واهو ابخل خلق ربي



وسالفته الثانيه انه مره ناداني باسم وحده اسمها مريم بعز النومه ( يعني انتو تعرفون ان الريال لا صار بهالوضع يتخدر قالي احبج مريم وقام يرقع موقفه ويدخل سوالف ببعض قمت منه ابجي


ومره كنت بدق ع مطعم من تلفونه جان يسحب مني التلفون ويدق اهو لما خلص قام يمسح ارقاام من السجل بعدين سوا بحث لجهه اتصال وسوالها حذف
اهو عباله ماشفته لا كان منسدح وتاج السرير مالي يعكس لي التلفون ف خذيت منه التلفون عشان اغير اسمي واهو مرتبك



شالحل معاه بنات
لوع جبدي وانا توني باول عمري
شهر 12 بكمل ال 18
ابي مساعدتكم بنات