الانتقادات !

السلام عليكم ورحمه الله وبركاته

الاخوان اللي كل مواضيعهم انتقاد × انتقاد وش تستفيدون بالله ؟

كثرت المواضيع اللي كلها انتقادات في اللاعبين او المدرب او الادارة وكلها بدون فائدة

بالعكس ان ما ضرتنا وضرت نفسية اللاعبين ماراح تفيدهم

يا اخي اذا عندك انتقاد روح اطرحه على اللاعب او المدرب او الادارة

اما طايحين انتقادات في المنتدى او تويتر او اي مكان ماراح تفيدنا بالعكس راح تضرنا

كل اسباب انقسام الجماهير واختلافاتهم هي الانتقادات الغير هادفة

الواحد لو عنده ملاحظة على لاعب معين يروح يطرحها على الجماهير في المنتدى

وتقوم بعض الجماهير بالرد عليهم وتكثر الانقسامات وقد تصل لسب احيانا !

واغلب الاخوان طايحين انتقاد في نور وانا اجزم انهم بعيدين كل البعد

عن الحدث الرياضي ولا يدرون وش السالفة اصلا لكن بس يبون يزيدون مشاركاتهم !


على العموم اتمنى من ادارة المنتدى حذف اي موضوع فيه انتقاد سواء للاعبين او المدرب او الادارة


وآسف على الاطالة :$