عساكم ماتشوفون اللي شفناه

بنات انا كنت كاتبه اول عن قصتي ان امي متوفيه جريب ال3 شهور وابوي راونا نجوم القايله من بعدها المهم قرر يتزوج وراح خطب بالسعوديه وسبحان الله ماصار له نصيب
المهم بعد مارجع من سفرتها انا كنت جايه ازوره قال لي لبي منج فلوس ابي اركب لي اسنون مع العلم عمره 73سنه قلت له انا ماعندي الحين انا قاعده اخش حق ضحيه امي يمكن ادبر لك بعد عيد الاضحى قال مايلزموني ابي تركيب السنون الحين المهم قصرت الشر ودخلت نمت بغرفه خواتي جو خواتي من دواماتهم المهم تعرفون لما الوحده توصل الساعه 2 وتبي تتغدا وتريح مع انه من وفاه المرحومه ماارتحنا المهم دخل علي البنات وقال اختكم الكبيره مادبرتني بفلوس التركيب وانا بعرس يرضيكم اروح للناس وانا جذي المهم رديت عليه قلت انه صبغت لحيتك سوده علشان تصغر عمرك والناس تعرف عمرك منت صغير اشرايك تروح عمره قال انا ابعرس المهم طلب من خواتي مبلغ 2000 دينار من كل وحده مع العلم عنده فلوس المهر جاهزه قلت له وين فلوسك 450000الف ريال قال مايكفون الناس تبي 70الف اذا بخطب وغير الذبايح وتجهيزات المره لاحظوا انه للحين حنا بحسرتنا وحزننا على امنا المهم قالوا البنات ماعندنا قال اطلبوا قرض قالوا انت من صجك نطلب قرضك علشان نزوجك احتا مانقدر معاشنا علينا اقساط المهم تكلمت انا قلت ليش ماتطلب من عيالك قال ماعندهم وانتن قاعدات شاربات عندي المهم شديت معاه بالحجي قالي ابيج تطلعين ولاتطبين بيتي لاني دافعت عن خواتي المهم جا ودخل علينا الغرفه معاه عجره يبي يطق ويبي الحين الفلوس حاضره رحت انا اتصلت على المخفر وشرحت لهم الوضع جت دوريه ودخلوا علينا وشافوه معاه العصا فقالوا له حجي حرام هشا ظلم قال مايقعدون دقيقه بالبيت ابيهم برا اويعطون فلوس المهر المهم.قال له الشرطي احنا مانقدر نطلعهم واذا تبي تطلعهم روح للمحكمه المهم عدا الليل رحت انا لبيتي وتفاجأت انه جاي لخواتي وقايلهم يالله تعالوا معاي للمحكمه ردوا عليه وقالوا انت روح انت اللي تبي تطلعنا وراح بعد ساعات جايب ورقه من قصر العدل ذاكرفيها خواتي واخوي اللي يدافع عنه واللي هو اساسا ماكان موجود مسافر فقلت لخواتي الورقه هذي عاديه خل ينقعها وبشرب مايها بنات ابوي ظااااالم هذا بدون مره سوا الهوايل وهذا بيتنا وبيت امي اللي تعبت فيه من ريحتها وين نروح وحتي جدام الشرطي طعن بشرفنا وشرفي انا حتي ضابط المخفر قال هذا لو انه ابوي احرقه اشلون واحد يطرد بنات 25/26/واختي مطلقه معاها طفله 9سنوات انا قلت لهم اقعدوا بالبيت وهو بين نواياه وخلوا علاقاتكم رسميه معاه انا كاتبه ابيكم تدعون لخواتي ان الله يفرج كربتنا من الاب الظالم واللي مافيه خير لامي مافيه خير لنا وحسبي الله ونعم الوكيل واللي يسأل عن قرايبا اقول لكم الخالات تخلوا عنا وقربهم شر لدرجه خالتي اخت امي هي الي تشجعه علي العرس اذا تكلم ماجنه اللي ماتت اختها لنا رب ابرك منهم