الدوري يغاااازل الملكي لاكن هل من رغبه لمبادلة المعزه

بسم الله الرحمن الرحيم
أما بعد : أسعد الله أيامكم ورزقكم راحة البال موضوعي مثل ماهو في العنوان الدوري يفتح يديه للأهلي
بس يبي له شوية أهتمام !!!
أنا دايم أدخل المنتديات والمواقع الأهلاويه وأشوف ناس كثير محبطه بعد مباراة الهلال ويقولون الدوري ضاع يا جماعة الخير
حرام عليكم والله بدري ع هالكلام وتعالوا نتذكر الموسم اللي راح في عز عنفوان النصر وأفضل سنينه أخذ الدوري وهو خسران
أكثر من( 15) نقطه وهو مسوي موسم إستثنائي وهذا الشي يزيدنا أمل في دوري هالسنه لأن النصر مو هو اللي السنه الفايته وراح يخسر اكثر من عشرين نقطه والهلال كذلك ضعيف دفاعياً وهجومياً واشفناه قدام الأهلي والأتحاد حدث ولا حرج
ممكن الشباب هو اللي بينافسنا هالسنه ومو معقول بيفوز كل مبارياته وخاصه إنه راح يلعب مع ناديين ديربي وراح يلعب مع
منافس كالأهلي وأنا أقيم الأهلي هالسنه من أفضل الأنديه لأنه يملك روح ولعيبه سعوديين هم الأفضل في الدوري بس ينقص الأهلي تكه عشان يكمل الزين يبيلنا برونو سيزار ولا أيريك ( رونالدينيو ) في صناعة اللعب ولو يجون الإثنين خير وبركه وبعدها نقول ولكم باااااك للدوري وصدقوني راح يكتمل زين الأهلي ويكون من أصعب الأنديه وراح ننافس ع أسيا كمان
تأمل بينك وبين نفسك الأهلي لو يلعب بالسعوديين بدون أجانب راح ينافس ع الدوري بس صعب يجيبه عشان كذا نطالب بتزيين التشكله بهالأعبين المذكورين أعلاه وبعدها نفرح بالدوري لو هو مكتوب لنا أخر الموسم بإذن الله لاكن لابد للواحد يجتهد ولكل مجتهد نصيب ودمتم بود ومحبه .


همسه / حب الأهلي شي ماشي في الدم ولابد منه وما عنه غنى عشان كذا أطلب من الجميع الوقوف والدعم هالسنه خاصه
بزود الحلم أقترب وحتى لو الأهلي ما جاب صانع لعب كل شي جايز يمكن يكون الدوري من نصيبنا بالوقفه واليد الوحده مع بعض والله كريم