الطير بعد زواجة .. لا يفوتكم المحادثة الرومانسية ..!!!!
الــــــــــsــسلاااااااا� � عليكم ..
بعد ما أتهمتني حساسة بالزووووواج .. هذا حوار بيني و بين زوجتي العزيزة .. لا يفوتكم فن الحوار المصلحجي الرومانسي قبل النوم …
الزوجة : حبيبي نمت ؟
الطير: لأ حبيبتي .. و أنتي ؟
الزوجة : لأ .. مو يايني ( جايني ) نوم ..
الطير : شنو تفكرين فيه ؟
الزوجة : قول لي أنت الاول ليش مو نايم ؟
الطير : أفكر فيك يا حبيبتي !
الزوجة : عاد تدري حتى أنا حبيبي !
الطير : مو يقولون القلوب عند بعضها و ان اللي يحبون بعض يحسون بكل شيء بنفس الوقت ..
الزوجة : زين قول لي تفكر بشنو فيني ؟
الطير : يؤرقني و يخوفني شيء ؟!
الزوجة : شنو حبيبي ؟!
الطير : اخاف إني ما اقدر أسوي اللي طلبتيه مني !
الزوجة : حبيبي كلش لا تخاف ؟!
الطير: اكيد حبيبتي ؟!
الزوجة : طبعا حبيب قلبي و بعدين أنا بس اللي أحس فيك …
الطير: صدقيني أنا راح أسوي المستحيل حبيبتي ..
الزوجة : يا بعد طوايف أهلي أنت ! أمي و ابوي أنت !
الطير : و أنتي الدنيا كلها , كم حبيبه عندي ؟!
الزوجة : علشان جذي ( كذا ) أنا ماني محملتك اكثر من طاقتك ..
الطير : لا حبيبتي , لا تقولين جذي ترى تحسسيني بالعجز ..
الزوجة : بس الزوجة اللي تحب زوجها لازم تضحي ..
الطير : تضحين .. ما أرضى .. كل شيء يهون علشان خاطر عيونك ..
الزوجة : بس هذا راح يخليك تعاني ..
الطير : علشانك مستعد أسوي كل شيء ..
الزوجة : لا حبيبي أنا ما أرضى , فكرت عدل بالموضوع ..
الطير : قلت لك راح أطق كل البيبان , راح أسوي اللي لقدر عليه و اللي ما اقدر بعد , المهم تستانسين ..
الزوجة : تدري يا بعد عمري , أنا دايما اقول حق أهلي شكثر تحبني ..
الطير: حتى أنا اقول حق اهلك شكثر احبك ..
الزوجة : علشان جذي الله لا يحرمنا من بعض ..
الطير : و يقدرني على تحقيق اللي تبينه …
الزوجة : بس أنا قلت لك خلاص أنا غيرت رأيي ..
الطير : شلون حبيبتي !! جذي أنا اشعر بالذنب ..
الزوجة : لا ماني مكلفة عليك ..!
الطير: بس حبيبتي ..
الزوجة : قلت لك خلاص !!
الطير: يعني هوّنتي , دام المسالة جذي على أمرك ..
الزوجة : فكرت وايد بالموضوع ..
الطير: و هذا اللي شاغلك ..
الزوجة : طبعا .. عيل شقالوا لك أنا زوجه ما تحس بزوجها
الطير : و يلوموني الناس إني أموت فيك …
الزوجة : لازم نتعاون و الا ما تصير الحياة حلوة ..
الطير: عاد أنا كنت وايد مهموم بالموضوع ..
الزوجة : أنا حاسة فيك بس بغيت اختبرك ..
الطير : و شرايك نجحت بالاختبار ؟
الزوجة : 100% علشان جذيه ابي اريحك ؟!
الطير: الله يريحك دنيا و آخره بس شلون ؟!
الزوجة : ما ابي سياره مرسيدس موديل الفين واربعه من الوكالة ..
الطير : ها … حبيبتي خلاص فكرتي و اقتنعتي انك تاخذين الصني ؟
الزوجة : صني اللي تصنك بعينك !
الطير : عيل ؟!
الزوجة : ابي مرسيدس موديل 2003 علشان بس تصير ارخص لك .. شرايك بالتضحيه ؟
الطير : حبيبة قلبي .. تصبحين على الف خير !
الزوجة : و أنت من أهله يا بعد طوايف أهلي !
باااااااااااااااااااااااا ااي .. :confused:
