مسميات تطلق على بعض الحلال
اغنام - ابل - دواجن - طيور
- مسميات تطلق على بعض الحلال -
الأجم: تطلق على الخروف اللي ما له قرون (تعد من العيوب)
الأصفط للخروف او الصفطه للنعجه : يعني الاذن مصفوطه كأنها مطبوقه (تعد من العيوب القوية)
الأصك: يعني القرون داخله على الوجه (تعد من العيوب )
الاشمر او الشمرة : للذنبة القصيره نسبيا (تعد من العيوب)الاسرب او السربه او الارطل او الرطله : للذنبة الطويله نسبيا (تعد من العيوب)
الازقم او الزقمه : للي يكون الفك السفلي اقصر من الفك العلوي (تعد من العيوب القوية)
الادنق او الدنقة او الادن او الدنه : اللي تكون فيها آخر الظهر اعلى من اوله (نازله من الامام) (تعد من العيوب)
الاسند او السنده او الانتل او النتله : عكس الادنق يعني مرتفع من اول الظهر (عالي من الامام ) (تعد من المميزات)
الاسرد او السرده : اللي له ظهر طويل ويسمى (طول شقة الظهر) (تعد من المميزات)
الاعنق او العنقا : اللي له رقبه طويله (تعد من المميزات)
النحر: اللي يكون تحت الرقبه الى اليدين
الهطل او الهطله : اللي له اذن طويله (تعد من المميزات)
المنخر: وهو فتحات الانف (الخشم)
الخرطوم : وهو الوجه الطويل
الخده: وهي من الخد معروف للجميع
البزمه او المشرب : وهي طرف الفك السفلي
لغبوب والبعض يسميه جرجور و الجرجوب : وهو جلد يتدلى من تحت المشرب الى الرقبه (تعد من المميزات)
الذنبة العلة : يعني جهة اطول من جهه (تعد من العيوب)الشقة : يعني لها ديس واحد يحلب
الميته: وهي اللي ليس لها ديس يحلب وتسمى طقه
الزبة او الزبوخ : اللي لها ديس طويل يصل للارض (تعد من العيوب)
الافزر او الفزرة : اللي لها تقويسه قوية بنصف الظهر (تعد من المميزات)
الغارب : عظم بارز يظهر من آخر الرقبه وينزل الى نصف الظهر (تعد من المميزات)
القرن الافتل : اللي يكون محاذي للوجه
القرن الاشطح : اللي ياخذ بالعرض (سكان قاري)
المنطح او الفرة : الوجه من الامام
عرض الجنب : وهو قياس ما بين الظهر الى البطن
سرة البطن : هو البطن من الاسفل ويكون بشكل دائري (تعد من المميزات)
الفراسن: اسفل اليدين
المداوس: اسفل الرجلين
الضلوف او الاضلاف : وهي اللي تمشي عليها النعجه او الخروف
الشلاشيل: وهي الصوف اللي يجي بالايدي والارجل (تعد من المميزات)العصلوب ويسمى غصنه : وهو العصعص المتدلي اسفل الذنبة
الافنخ او الفنخا : اللي له وجه عريض من الامام (تعد من المميزات)العرقوب : وهو الزاوية اللي تكون بنصف الرجل
الاجرد او الجردا : اللي ماله صوف باليدين والارجل يكون املس
ابو زوايد او ام زوايد : اللي له زوايد ثنتين مثل اللي للمعزى بنصف الرقبه (تعد من العيوب)
الخروف يضلع او النعجه تضلع : يعني يعرج
الابلق او البلقا : وتكون خاصه بالطليان او الرخال في مرحلة النمو الجفن وسيع ومفتوح يظهر منه حم ار الجفون بوضوح (تعد من المميزات)
الدق او الصخف : وهو ضعف عظم الايدي والارجل ويدخل معه الجسم بشكل عام (تعد من العيوب)
الجبر والبعض يسميه الجبار : وهو غلظ عظم الايدي والارجل ويدخل فيه الجسم بشكل عام (تعد من المميزات)
الركاز : صفه جميله ومشية رائعه تشبه مشية الخيل مع بقاء الرقبه والراس للاعلى (تعد من المميزات)
الفجاح والبعض يسميه الفحاج : تكون الارجل متباعده ومفتوحه (تعد من المميزات)الفدغه او قمة الراس او القله : وهي تمثل منطقة الراس من الخلف
العرنون يعني الخشم
الصوفه الهلة : يعني الناعمه (تعد من المميزات)هلابة الصوف : يعني كثافة الصوف (تعد من المميزات)الحوس او الحوسه : وهو عكس الافجح اللي رجوله يا مشى تتداخل (تعد من العيوب)المشكار : وهي تطلق على النعجه او الخروف اللي ما ينزل حاله (مايضعف) دايم سمين
الاشتر او الشترا : الاذن القصيره وهي عكس الهطلا (تعد من العيوب)الاقطم او القطما : وهو اللي ما فيه مدة وجه (الوجه القصير)
الحضب او الحضبا : وهو اللي ظهره قصير (ملموم) (تعد من العيوب)القحاف: وهوعظم الحاجب اذا كان بارز يسمى مقحف والنعجه مقحفه
الهجار: يعني القصر (تعد من العيوب)الذنبة الوافية والبعض يسميها الضافية هي اللي تصل للعراقيب (تعد من المميزات)الاذن الفتله : هي اللي يكون ملتوية ومطبوقه قليلا وقصيره شوي(تعد من العيوب القويه)الاصمع او الصمعه : عيب خلقي بالاذن تكون صغيره جدا بحيث انها لاتتعدى نص اصبع اليد (تعد من العيوب القوية)
بعض المصطلحات اللي تخص الاعمار
ولاد او بسلاه يعني توه مولود
مدعول: يعني شكله اصغر من عمره بكثير
طلي او طليه ويقولون خروف و رخل ويسمونهم بهم الى عمر 6شهور
جذع او جذعه فوق ال6شهور الى سنه وشهرين تقريبا
ثني او ثنية تطلق على اللي يشلع الضرسين اللي في الامام الوسطيات
رباع او رباعيه تطلق على اللي يشلع الضرسين اللي ورى الثنايا يعني شالع الاربع الامامية
سدس والبعض يقول له سديس تطلق على اللي يشلع الضرسين اللي ورى الرباعيات يعني شالع السته الامامية
صاف او صافه تطلق على اللي يشلع الضرسين الاخيرات بمعنى تكون الثمانية كلها كبار
قحم تطلق على الفحل اللي يكون صافه اسنانه كلها ويسمى قارح
الثالم اللي بدت الاسنا تسقط من الكبر او مكسور له ضرس
بعض المصطلحات اللي تخص الالوان
طبعا المقصود باللون هو لون الراس والتحجيل على اليدين والارجل
الادبس او الدبسه : هو اللون البني
الاشعل او الشعله : هو اللون الاصفر الغامق واقل درجه من البني
الادهم او الدهمه : هو اللون البني الغامق وهو افضل الالوان عند المربين على الاطلاق
الادرع او الدرعه : هو اللون الاسود الداكن وهو لون لايرغب فيه كثير من المربين
الاسحم او السحمه : هو اللون الادهم المخالط للاسود والغالب عليه السواد
الحرق او الحرقه : هو الادرع مع خطوط بنيه او صفراء بالوجه او يكون لونه ادبس او اشعل فيه خطوط سوداء
الابرق او البرقه : هو اللي يكون اكثر من ثلث الى ثلثين لون الجسم ادبس او ادهم
الاحمر او الحمره : هو اللي يكون اللون الجسم ادبس كامل او فيه قليل جدا من البياض
المنبط او المنبطه : هو اللي يكون بالجسم بقع صغيره منتشره من نفس لون الخروف او النعجه
المجبه او المجبهه : البياض اللي يدخل على الخشم ولا يتجاوز نص الوجه
الاصبح او الاغر او الصبحه او الغره : هو اللي ياخذ البياض جميع الخشم من الامام
ابو سياليه او ام سياليه : خط ابيض وغالبا يكون ضعيف بالوجه كامل او اغلبه
البراش ابو براش او ام براش اللي يكون ادبس او اشعل ويخالط اللون الادبس بياض متناثر ودايم يجي بأعلى الاذن بياض .
lsldhj j'gr ugn fuq hgpghg
