منوعات & عام اول يوم بعد الاجازه

هلا باحبابي الغاليين
تدرون عاد اليوم اول يوم لي دوام
كالعاده اول ما أجي افتح ايميلي اشوف الي راح والي جا وطلبات واوامر الرؤساء خخخخخخخخخخخخخخخخ
اول ما فتحت الاميل تصدقون وش حصلت
اميل من السكرتيره للرءيس و( سي سي لي) ملاحقنا هالسي سي وين ما نروح خخخخخخخخخخخخخخ
يقول الاميل اتصلت على المدعو ( محمد) ولم يرد
ارد ليش وانا في أجازه مكبر المخده خاصة انها آخر ايام الاجازه
رحت للسكرتيره اقول لها على الاميل وليش تبغوني اداوم الخميس مو اليوم ( الاحد) قالت لي ايوا شكلها شركة ابوك تداوم بكيفك
قلت لها ايش
قالت ايوا المفروض دوامك الخميس مو اليوم الاحد
تخيلو الموقف ( الحين فهمت معنى المقوله صرت في نص هدومي خخخخخخخخخخخخخخخخ)
وانا الي جاي وكاشخ من ال ( اوت ليت ) مال دبي هذا الاوت ليت ماركات بس مخفضه وانتو خابرينا نلاحق التخفيضات لو بالمريخ خخخخخخخخخخخخخ ( نملة تمشي على ريح الدسم )
طبعا ما لي وجه
سالتها وين الريس قالت اجازه راح يودي عياله المدارس اول يوم واخذ اليوم كله
تنفست الصعداء وقلت من اليوم الى بكره يحلها ربك
اول ما رجعت مكتبي مكالمه لم يرد عليها بالانسر ماشين
دقيت على الرقم ويطلع لي الريس خخخخخخخخخخخخخخخخخ مافيه فكه
كيف الحال طاب الحال
وين كنت
عند السكرتيره ( استعبط ) خخخخخخخخخخخ
اقصد الخميس مو اليوم
الخميس مادري يمكن بالحسا مادري البحرين بس شكلي وقبل ما اكمل رد علي
متى جيت اليوم
اقسم بالله من الساعه 6:30حتى مريتك المكتب لقيت مكتبك مقفل الا انت وينك
انا الي اسال ولا انت
مريت السكرتيره ؟
ايه
وشقالت لك
تقول انها دقت علي مالقتني
يعني شين وقوي عين تغيب وما ترد
لا والله انا على بالي دوامي اليوم مو الخميس
طيب والثلاثة ايام الغياب قلت يوم واحد صارت ثلاثه؟
ايه ما تجي الخميس تنشبك مع الجمعه والسبت
الشور شورك
الي تبيه انا حاضر
بيجيك اميل من السكرتيره انا عطيتها تعليماتي وبتعرف شو بيصير لك الحين روح شوف شغلك
قلت (بخاطري) والله ما اشتغل لما اعرف شو بيصير لي
انتظرت الاميل ساعه ماجاني رحت للسكرتيره
انتي الاميل عندك شغال ( اجس نبض خخخخخخخخخخخخخخ)
ايه شغال ليش انت عندك مو شغال ؟
لا بس
لا تبسبس توني ارسلت لك اميل روح فتحه الحين
طيب قولي ايش في الاميل ؟
تشوفه في مكتبك
طيب لاتنفخين ( عادي مطيح الميانه )
انا مكيف انفخ؟
قلت في خاطري ايه والله مكيف لا و 8 طن بعد اكيد تخيلتو شكلها خخخخخخخخخخخخخخخخخ
قلت يا ولد بلا اميل وبلا خرابيط وهي ( **** ***** ) خخخخخخخخخخخخخ هذا مثل حساوي بس ما ينقال على العام (لا يسوي لي البقمي حظر) اروح اشرب شاي واروق وكل شي في وقته حلو ( الي يبي المثل يجي عالخاص بس يتحمل خخخخخخخخخخخ )
قبل ما ادخل المنتدى دخلت على الاميل وشفت اميل السكرتيره
بناء على تعليمات الريس اخرنا دوامك بعد الاجازه من الخميس الى الاحد سي سي للريس
كلمت السكرتيره
هلا فلانه
اهلين
ماجاني الا اميل واحد
كم تبي دسته
لا بس مافيه شي ثاني ماقال الريس شي ثاني
لا ماقال
اكيد
اكيد
حلفي
محمد وجع وشقاعد تخربط خخخخخخخخخخخخخخخخخ
لا لا بس حبيت يعني اقول يمكن ولا ما
طوط طوط طوط طوط

وكانت هذي احلى طووط طووط
صدق هي سكرت في وجهي بس مثل ما قلت مطيحين الميانه
اهم شي الريس قدر الوضع وما نسى اني ماعمري صارت لي مثل هالسوالف طيلة خدمتي
وانا ما اعطيت هالموضوع هالحجم الا لأني فعلا احب شغلي واقدر الي يقدرني ورئيسي منهم

تحياتي